Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
ДУШАНБЕ, 29.10.2025 /АМИТ «Ховар»/. Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ, ки дар шаҳри Тошканд баргузор шуд, ҳамчун маркази татбиқи ташаббусҳои байналмилалӣ муаррифӣ гардид, иттилоъ медиҳад АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон.
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ, ки бо ибтикори Донишгоҳи давлатии иқтисодии Тошканд ва Донишгоҳи Кёнгдони Ҷумҳурии Корея баргузор гардид, иштирок намуданд.
Ҳадафи саммит таҳкими ҳамкории байналмилалии академӣ, густариши барномаҳои табодули академӣ ва таҷрибаомӯзӣ, пешбурди ташаббусҳо дар самти рушди устувори соҳаи маориф ва илм, ҳамчунин тавсеаи шаклҳои нави ҳамкорӣ байни муассисаҳои таҳсилоти олии касбии беш аз 30 кишвари ҷаҳон мебошад.
Намояндагони Донишгоҳи байналмилалии сайёҳӣ ва соҳибкории Тоҷикистон ва воҳидҳои сохтории он дар вилоятҳои Хатлону Суғд дар ҷаласаҳои ифтитоҳӣ ва панелии Саммит сухан гуфта, аҳаммияти табодули академӣ ва ҳамгироии принсипҳои рушди устуворро дар раванди таҳсилот таъкид намуданд. Инчунин онҳо бо намояндагони донишгоҳҳои пешрафтаи кишварҳои Чин, Канада, Амрико, Олмон, Фаронса, Ҳиндустон, Корея, Русия, Гурҷистон, Қазоқистон, Узбекистон, Қирғизистон ва дигар давлатҳо мулоқот намуда, дурнамои татбиқи барномаҳои таҳсилотии муштарак, дудиплома, таҷрибаомӯзиҳо, табодули академии байналмилалӣ ва ташаббусҳои илмиро муҳокима намуданд.
АКС: Донишгоҳи байналмилалии сайёҳи ва соҳибкории Тоҷикистон
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Имсол беш аз 30 ҳазор сайёҳон бо мавзеъҳои таърихии ноҳияи Восеъ шинос гардиданд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
Дар шаҳри Панҷакент Маҷмааи фарҳангӣ, сайёҳӣ ва ҳунармандӣ ба истифода дода шуд
Донишгоҳи байналмилалии сайёҳӣ ва соҳибкории Тоҷикистон дар 9 моҳи соли 2025 фаъолияти назаррас дошт
Озмуни аксҳо таҳти унвони «Душанбе – шаҳри гулҳо ва зебоӣ» эълон гардид
