Намояндаи Тоҷикистон дар Конференсияи III байналмилалии Минск оид ба амнияти АвруОсиё иштирок намуд
ДУШАНБЕ, 29.10.2025 /АМИТ «Ховар»/. 28 октябр дар пойтахти Беларус ҷаласаи пленарии Конференсияи III байналмилалии Минск оид ба амнияти АвруОсиё баргузор шуд, ки дар он муовини Вазири корҳои хориҷии Ҷумҳурии Тоҷикистон Фаррух Шарифзода иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Муовини Вазири корҳои хориҷии Тоҷикистон дар ҷаласа иброз дошт, ки таҳкими эътимод, ҳамкорӣ ва ҳамоҳангсозии бисёрҷониба омили муҳим дар таъмини сулҳи пойдор ва суботи устувор дар фазои АвруОсиё ва дар миқёси ҷаҳонӣ мебошад.
Фаррух Шарифзода ёдовар шуд, ки ташаббусҳои байналмилалии Президенти Ҷумҳурии Тоҷикистон, аз ҷумла «Раванди Душанбе оид ба мубориза бо терроризм ва маблағгузории он» ва ташаббуси эълони «Даҳсолаи таҳкими сулҳ ба манфиати наслҳои оянда» дорои аҳамияти саривақтӣ ва фарогири ҷаҳонӣ мебошанд.
Инчунин таъкид гардид, ки ин ташаббусҳо ба муттаҳидсозии кӯшишҳои ҷомеаи байналмилалӣ баҳри таҳкими сулҳ, пешгирии низоъҳо, тақвияти амнияти глобалӣ ва пешбурди фарҳанги ҳамдигарфаҳмӣ ва эътимод равона шудаанд.
Баён шуд, ки Ҷумҳурии Тоҷикистон ба ҳамкории созанда ва мутақобилан судманд бо ҳамаи шарикони минтақавӣ ва байналмилалӣ омода мебошад ва минбаъд низ дар таҳкими суботи минтақавӣ ва ҷаҳонӣ саҳми фаъол хоҳад гузошт.
АКС: Вазорати корҳои хориҷии Ҷумҳурии Тоҷикистон
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
