Шурои Фонди глобалии ҷалби ҷомеа ва устуворӣ барои Тоҷикистон грант ҷудо намуд
ДУШАНБЕ, 22.10.2025 /АМИТ «Ховар»/. Шурои Фонди глобалии ҷалби ҷомеа ва устуворӣ (GCERF) Стратегияи сармоягузорӣ дар Ҷумҳурии Тоҷикистонро бо ҷудо намудани грантҳо ба маблағи то 2 миллион доллари амрикоӣ тасдиқ намуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Конфедератсияи Швейтсария хабар медиҳад.
Стратегияи чорсолаи сармоягузории Фонди глобалии ҷалби ҷомеа ва устуворӣ (GCERF) дар Тоҷикистон (солҳои 2025–2028) ба дастгирии барқарорсозӣ ва бозгашти шаҳрвандоне равона шудааст, ки аз минтақаҳои ҷангӣ бармегарданд.
Дар ин замина таваҷҷуҳи махсус ба занон, кӯдакон ва пешгирии ифротгароии хушунатомез, махсусан байни ҷавонон, муҳоҷирони меҳнатӣ ва маҳкумшудагон дода мешавад.
Дар ин стратегия инчунин ниёзҳои муҳоҷирони меҳнатӣ, роҳбарони динӣ, омӯзгорон, кормандони иҷтимоӣ ва мақомоти маҳаллӣ, ки дар пешгирии ифротгароӣ ва ҳамгироии дарозмуддати баргаштагон нақши муҳим доранд, ба назар гирифта шудааст.
Барномаҳо дар шаҳру ноҳияҳои тобеи ҷумҳурӣ, аз ҷумла дар шаҳри Душанбе, дар ноҳияҳои Панҷ, Фархор ва Ҳамадонии вилояти Хатлон, дар шаҳрҳои Панҷакент, Истаравшан ва ноҳияи Айнии вилояти Суғд амалӣ карда мешаванд. Дар доираи ин стратегия Фонди мазкур нақша дорад давоми 48 моҳ то 4 миллион доллари амрикоӣ ба Тоҷикистон сармоягузорӣ намояд.
Тақрибан 25 кишвар шарики Фонди глобалии ҷалби ҷомеа ва устуворӣ (GCERF) мебошанд. Тоҷикистон моҳи августи соли 2024 мамлакати шарики Фонди глобалии ҷалби ҷомеа ва устуворӣ (GCERF) гардид.
АКС: Сафорати Ҷумҳурии Тоҷикистон дар Конфедератсияи Швейтсария
Азамшо Шарифӣ: «Дипломатияи «сабз» дар сиёсати хориҷии Тоҷикистон ҷойгоҳи хосса дорад»
Дар Женева таҳти унвони «Нақши Устувонаи Куруши Кабир дар ташаккули ҳуқуқу озодиҳои муосири инсон» ҳамоиш доир шуд
РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд
Намояндагони Сафорати Тоҷикистон дар Донишгоҳи давлатии ҳуқуқшиносии Москва бо донишҷӯёни тоҷик мулоқот намуданд
РАВАНДИ ОБИ ДУШАНБЕ. Дар Тошканд брифинг оид ба Конфронси чоруми байналмилалии сатҳи баланд доир шуд
Иқтидори бузурги гидроэнергетикии Тоҷикистон дар Форуми байналмилалии Вена оид ба энергетика ва иқлим муаррифӣ гардид
Консули генералии Тоҷикистон бо Губернатори вилояти Калининград мулоқот намуд
Иқтидори сайёҳии Тоҷикистон дар намоишгоҳи байналмилалии сайёҳӣ дар Минск муаррифӣ гардид
Сафири Тоҷикистон бо раиси шаҳри Брюссел мулоқот намуд
Ҳамкории гуногунҷанбаи мутақобили судманди Тоҷикистону Ҷумҳурии Корея баррасӣ гардид
Сироҷиддин Муҳриддин бо Таалатбек Масадиқов мулоқот намуд
Дар Сеул мулоқоти масъулони Саммити «Осиёи Марказӣ– Ҷумҳурии Корея» баргузор гардид
