Дар Донишгоҳи байналмилалии сайёҳӣ ва соҳибкории Тоҷикистон ҳамоиш таҳти унвони «Аз мероси Куруши Кабир то сиёсати Пешвои миллат» баргузор шуд
ДУШАНБЕ, 07.11.2025 /АМИТ «Ховар»/. 7 ноябр дар Донишгоҳи байналмилалии сайёҳӣ ва соҳибкории Тоҷикистон бо ташаббуси факултети ҳуқуқ ва гумруки донишгоҳ ҳамоиши илмӣ таҳти унвони «Аз мероси Куруши Кабир то сиёсати Пешвои миллат» баргузор гардид.
Тавре ба АМИТ «Ховар» аз Донишгоҳи байналмилалии сайёҳӣ ва соҳибкории Тоҷикистон хабар доданд, ҳамоиши мазкур ба ифтихори қабули қатъномаи муҳими таърихӣ дар иҷлосияи 43-юми Конфронси генералии ЮНЕСКО таҳти унвони «Устувонаи Куруш: Эъломияи ибтидоии ҳуқуқи башар ва гуногунрангии фарҳангӣ» бахшида шуд.
Муовини ректор оид ба илм ва инноватсияи Донишгоҳ Исломбек Зоирзода таъкид намуд, ки баргузории чунин чорабинӣ ҳамовозии Донишгоҳи байналмилалии сайёҳӣ ва соҳибкории Тоҷикистон ба ташаббуси навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар таҳкими худшиносии миллӣ ва дарки арзишҳои умумибашарӣ мебошад.
Таъкид гардид, ки қабули қатъномаи мазкур дар ЮНЕСКО бо иштироки фаъолонаи Ҷумҳурии Тоҷикистон далели возеҳи эътирофи саҳми миллати тоҷик дар рушди тамаддуни башарист. Пешвои миллат муҳтарам Эмомалӣ Раҳмон бо сиёсати хирадмандона ва ташаббусҳои созандааш дар арсаи байналмилалӣ арзишҳои сулҳу адолат, эҳтироми ҳуқуқи инсон ва ҳамзистии фарҳангҳоро идома ва такмил медиҳанд, ки он идомаи мантиқии рисолати башардӯстонаи Куруши Кабир маҳсуб меёбад.
Сипас, дар ҷараёни ҳамоиш иштирокчиён бо маърӯзаҳои илмии худ доир ба паҳлуҳои гуногуни Эъломияи Куруши Кабир, ҷойгоҳи он дар таърихи ҳуқуқи инсон ва робитаи он бо сиёсати башардӯстонаи Пешвои миллат суханронӣ карданд. Дар баромадҳо таъкид гардид, ки Эъломияи Куруши Кабир яке аз нахустин ҳуҷҷатҳои таърихии ҳуқуқи инсон ба шумор рафта, сиёсати сулҳҷӯёна ва инсонпарваронаи Пешвои миллат идомаи анъанаҳои қадимаи фарҳанги тоҷик мебошад.
Инчунин таъкид гардид, ки қабули қатъномаи ЮНЕСКО «Устувонаи Куруш» на танҳо рӯйдоди таърихии ҷаҳонӣ, балки барои миллати тоҷик ифтихори фарҳангӣ ва рамзи саҳми созандаи Тоҷикистон дар ҳифзи арзишҳои умумибашарӣ мебошад.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи давлатии омӯзгорӣ масоили муосири саноати мошинсозӣ ва маводшиносӣ баррасӣ гардид
Дар Донишгоҳи давлатии Хуҷанд омӯзиши забони фаронсавӣ баррасӣ гардид
Дар Академияи идоракунии давлатӣ оид ба таҷдид ва рушди фарҳанги миллӣ машварати илмӣ баргузор шуд
Донишгоҳи давлатии Хуҷанд ва Донишгоҳи почта ва телекоммуникатсияи Чунсини Чин Ёддошти тафоҳум ба имзо расониданд
Дар Донишгоҳи давлатии тиҷорати Тоҷикистон Стратегияи муқовимат ба терроризм ва экстремизм дар Ҷумҳурии Тоҷикистон баррасӣ гардид
Донишгоҳи давлатии Бохтар бо Донишгоҳи Ҳамад ибни Халифаи Қатар ҳамкориро тақвият мебахшад
Ректорони донишгоҳҳои Тоҷикистон бо ректори Донишгоҳи Ҳамад ибни Халифаи Қатар вохӯрӣ намуданд
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
