Дар Душанбе ҷаласаи 59-уми пленарии Ассамблеяи байнипарламентии ИДМ баргузор мегардад
ДУШАНБЕ, 14.11.2025 /АМИТ «Ховар»/. Имрӯз дар шаҳри Душанбе дар бинои Маҷлиси Олии Ҷумҳурии Тоҷикистон ҷаласаи 59-уми пленарии Ассамблеяи байнипарламентии давлатҳои иштирокдори Иттиҳоди Давлатҳои Мустақил баргузор мегардад, хабар медиҳад мухбири АМИТ «Ховар».
Дар ҷаласа сарварони парлумонҳои кишварҳои Иттиҳод: Раиси Шурои Ассамблеяи байнипарламентии Иттиҳоди Давлатҳои Мустақил, Раиси Шурои Федератсияи Маҷлиси Федералии Федератсияи Русия Валентина Матвиенко, Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ, Раиси Шурои Ҷумҳурии Маҷлиси Миллии Ҷумҳурии Беларус Наталя Кочанова, Раиси Сенати Парламенти Қазоқистон Маулен Ашимбаев ва Раиси Сенати Олий Мажлиси Ҷумҳурии Узбекистон Танчила Нарбаева иштирок менамоянд.
Ҳамчунин дар кори ҷаласа роҳбарони зерини ҳайатҳои парламентии давлатҳои Иттиҳод иштирок мекунанд: муовини Раиси Милли Маҷлиси Озарбойҷон Зияфет Аскеров, муовини Раиси Маҷлиси Миллии Арманистон Рубен Рубинян, раиси кумитаи Маҷлиси Парламенти Қазоқистон оид ба муносибатҳои байналмилалӣ, мудофиа ва амният Айгул Куспан, Раиси кумитаи Думаи давлатии Федератсияи Русия оид ба корҳои Иттиҳоди Давлатҳои Мустақил, ҳамгироии авруосиёӣ ва робита бо ҳамватанон Леонид Калашников, намояндаи ваколатдори Жогорку Кенеши Қирғизистон дар Ассамблеяи байнипарламентии Иттиҳоди Давлатҳои Мустақил Шабданбек Алишев, раиси кумитаи Меҷлиси Туркманистон оид ба ҳифзи муҳити зист, истифодаи захираҳои табиӣ ва маҷмааи агросаноатӣ Сердар Гайипов, Котиби генералии Шурои Ассамблеяи байнипарламентии Иттиҳоди Давлатҳои Мустақил Дмитрий Кобитский ва муовини якуми Котиби генералии Иттиҳоди Давлатҳои Мустақил Игор Петришенко.
Ба рӯзномаи ҷаласа баррасии якчанд ҳуҷҷати муҳими меъёрӣ, аз ҷумла қонунҳои намунавӣ оид ба таъмини дорувории давлатҳои Иттиҳоди Давлатҳои Мустақил, маҳдуд намудани партовҳои газҳои гулхонаӣ, саноатҳои креативӣ, мудофиаи ҳудудӣ, ваколатдор оид ба ҳуқуқи кӯдак, инчунин тавсияҳо оид ба муайян ва ба ҳисоб гирифтани ҷиноятҳо вобаста ба саводи инсон ва дигар масъалаҳо ворид карда шудаанд.
АКС: АМИТ «Ховар»
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
