Дар мақомоти корҳои дохилии шаҳри Душанбе ба муносибати Рӯзи Конститутсия ҳамоиши илмӣ – маърифатӣ доир шуд
ДУШАНБЕ, 05.11.2025 /АМИТ «Ховар»/. Имрӯз дар Раёсати Вазорати корҳои дохилии Ҷумҳурии Тоҷикистон дар шаҳри Душанбе бахшида ба Рӯзи Конститутсияи Ҷумҳурии Тоҷикистон ҳамоиши илмӣ-маърифатӣ баргузор гардид.
Тавре аз Раёсати Вазорати корҳои дохилии Ҷумҳурии Тоҷикистон дар шаҳри Душанбе ба АМИТ «Ховар» хабар доданд, дар ҳамоиш оид ба нақши Сарвари давлат муҳтарам Эмомалӣ Раҳмон дар қабули Конститутсияи Ҷумҳурии Тоҷикистон, аҳамияти ин санади олии ҳуқуқӣ ва нақши он дар бунёди давлати ҳуқуқбунёду демократӣ, таърихи қабул ва тағйиру иловаҳои ба он воридшуда маърӯзаҳо шунида шуданд.
Иброз гардид, ки маҳз бо заҳматҳои Президенти Ҷумҳурии Тоҷикистон муҳтарам Эмомалӣ Раҳмон дар заминаи қабули Конститутсия низоми қонунгузорӣ ба марҳилаи сифатан нав ворид гардид, ки ин падида дар маҷмӯъ зиндагии шоистаро барои ҳар сокини кишвар муҳайё намуд.
Ҳамчунин гуфта шуд, ки Конститутсия ҳамчун рамзи ваҳдат ва пояи суботи миллӣ, дар фаъолияти ҳар як сохтори давлатӣ, аз ҷумла мақомоти корҳои дохилӣ, нақши калидӣ дорад. Муқаррароти он барои таъмини тартиботи ҷамъиятӣ, ҳифзи амният, риояи ҳуқуқу озодиҳои шаҳрвандон ва адолати иҷтимоӣ заминаи қавӣ фароҳам меорад.
Таъкид шуд, ки кормандони мақомоти корҳои дохилӣ вазифадоранд ҳангоми иҷрои вазифаҳои хизматии худ меъёрҳои Конститутсияро роҳнамои амал қарор дода, ба таҳкими ҳокимияти қонун ва эҳтироми ҳуқуқи инсон саҳми арзанда гузоранд.
«Конститутсия ҳамчун санади олии ҳуқуқӣ заминаи ташаккули низоми қонунгузорӣ, таҳкими ҳокимияти қонун, ҳифзи ҳуқуқу озодиҳои инсон ва шаҳрванд ва рушди соҳаҳои сиёсӣ, иҷтимоӣ ва иқтисодии кишвар мебошад»,- иброз шуд дар ҳамоиш.
Гуфта шуд, ки омӯзиши амиқ ва риояи меъёрҳои конститутсионӣ ба кормандон имконият медиҳад, ки дар фаъолиятҳои хизматиашон адолатро риоя намуда, муносибати шаффоф ва масъулиятнок нисбат ба шаҳрвандон дошта бошанд. Инчунин таъкид гардид, ки донистан ва татбиқи Конститутсия ҳамчун қонуни асосӣ барои таҳкими эътимод ба мақомоти ҳифзи ҳуқуқ ва рушди ҷомеаи шаҳрвандӣ аҳамияти бузург дорад.
АКС: Раёсати Вазорати корҳои дохилии Ҷумҳурии Тоҷикистон дар шаҳри Душанбе
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
