Дар ноҳияи Ванҷ соҳаи боғпарварӣ рушд меёбад
ДУШАНБЕ, 18.11.2025 /АМИТ «Ховар»/. Соли равон дар ноҳияи Ванҷ бо мақсади рушди соҳаи боғпарварӣ дар масоҳати 46 гектар боғҳои нав бунёд гардиданд. Инчунин 14 гектар боғҳои куҳна бо шинондани дарахтони мевадиҳанда барқарор шуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ванҷ хабар медиҳад.
Бояд гуфт, ки меваҳои аз ҷиҳати экологӣ тозаи ноҳияи Ванҷ дар бозорҳои дохиливу хориҷӣ харидори зиёд доранд. Бахусус, себу зардолу ва туту чормағз бисёр хушсифату болаззат ва аз лиҳози экологӣ тозаву содиротӣ мебошанд. То охири моҳи октябри соли равон аз ҳисоби боғоти ноҳия 2205 тонна мева содирот гардидааст. Содироти мева ҳамасола то моҳи декабр ва баъзан то баҳорон идома меёбад. Деҳқонони ноҳия ба таври таҷрибавӣ ба бунёди боғи интенсивӣ дар домани кӯҳҳо оғоз кардаанд.
Тибқи дастур ва ҳидоятҳои Сарвари давлат дар ноҳия ҳамасола заминҳои нав ба гардиши кишоварзӣ ворид гардида, масоҳати боғот низ меафзояд. Имрӯз масоҳати заминҳои ноҳия 2601 гектарро ташкил медиҳад, ки аз он бештар аз 1080 гектараш боғҳои мевадиҳанда мебошанд.
Тавре масъулин иттилоъ доданд, дар мавзеи Реғҷу Ҷангали Зуго, Дашти Бовуд ва Гишхуни ноҳия сарфи назар аз заминҳои нобобу санглох буданашон, боғҳо бунёд мегарданд.
Президенти мамлакат муҳтарам Эмомалӣ Раҳмон 25 июни соли равон зимни суханронӣ дар мулоқот бо роҳбарон ва фаъолони ноҳияи Ванҷ иброз доштанд, ки дар 20 соли охир дар ноҳия 282 гектар замини нав аз худ карда шудааст, вале имкониятҳои истифоданашуда дар ин самт ҳоло ҳам зиёданд.
«Ҳамасола шуста шудани даҳҳо гектар замини назди соҳили дарёи Ванҷ яке аз мушкилоти асосӣ дар ин самт ба ҳисоб меравад, ки қисми онро заминҳои кишти зироат ва майдони боғҳо ташкил медиҳанд. Яъне дар ҳолати таъмин намудани устувории маҷрои дарёи Ванҷ имконияти ба гардиши кишоварзӣ ворид сохтани ҳазорҳо гектар замину ҷангал ба вуҷуд меояд»,-таъкид намуданд Сарвари давлат. Имрӯз, дар маҷмуъ, 85-90 дарсади аҳолии ноҳия ба кишоварзиву чорводорӣ ва боғдориву рустанипарварӣ машғул буда, даромади аҳолӣ, аслан аз ҳамин ҳисоб сарчашма мегирад.
Рухсораи НУР,
АМИТ «Ховар»
АКС аз манбаъҳои боз
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
