Дар Суди Олӣ оид ба нақши Конститутсия дар таҳкими давлати демократию ҳуқуқбунёд конференсия баргузор шуд
ДУШАНБЕ, 06.11.2025 /АМИТ «Ховар»/. 5 ноябр дар Суди Олии Ҷумҳурии Тоҷикистон таҳти унвони «Конститутсия — арзишмандтарин дастоварди давлати соҳибистиқлол ва нақши он дар таҳкими давлати демократӣ ва ҳуқуқбунёд» бо иштироки ҷавонони фаъоли ҷумҳурӣ конференсияи илмию амалӣ баргузор гардид. Дар ин хусус ба АМИТ «Ховар» аз Суди Олии Ҷумҳурии Тоҷикистон хабар доданд.
Дар конференсия иброз гардид, ки баргузории чунин чорабиниҳо барои баланд бардоштани маълумоти сиёсиву ҳуқуқии ҷавонон, арҷгузорӣ ба хизматҳои таърихии Пешвои миллат муҳтарам Эмомалӣ Раҳмон, инчунин ҷалби неруи созандаи насли наврас ва ҷавон ба равандҳои рушди устувори давлатдорӣ дорои аҳамияти хос мебошад.
Инчунин гуфта шуд, ки чунин ҳамоишҳои илмӣ-маърифатӣ дар заминаи Конститутсия имконият фароҳам меорад, ки ҷавонон бо меъёрҳои қонунҳои асосӣ ва ҳифзи ҳуқуқу озодиҳои шаҳрвандӣ шинос гарданд. Ҳамзамон ба баланд бардоштани маърифати сиёсиву ҳуқуқии насли наврас мусоидат намуда, онҳоро барои иштироки фаъолона дар ҳаёти ҷомеа ва давлатдорӣ тарбия мекунад.
«Арҷгузорӣ ба хизматҳои таърихии Президенти мамлакат муҳтарам Эмомалӣ Раҳмон ва шиносоӣ бо саҳми ӯ дар таҳияи Конститутсия ба таҳкими худшиносии миллӣ ҷавонон нисбат ба ояндаи давлат заминаи устувор мегузорад», – таъкид гардид дар конференсия.
Изҳор шуд, ки иштироки ҷавонон дар чунин ҳамоишҳо на танҳо имконият медиҳад, ки онҳо бо Конститутсия ва ҳуқуқҳои конститутсионӣ шинос шаванд, балки ҳисси ватандӯстӣ ва масъулият дар назди давлат ва ҷомеа дар онҳо таҳким меёбад.
АКС: Суди Олии Ҷумҳурии Тоҷикистон
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
