Дар Вазорати корҳои хориҷии Тоҷикистон ҷашнҳои давлатӣ таҷлил карда шуданд
ДУШАНБЕ, 15.11.2025 /АМИТ «Ховар»/. 14 ноябр дар Вазорати корҳои хориҷӣ бо иштироки кормандон бахшида ба Рӯзи Конститутсияи Ҷумҳурии Тоҷикистон ва Рӯзи Президенти Ҷумҳурии Тоҷикистон маҷлиси тантанавӣ баргузор гардид. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Вазири корҳои хориҷии Ҷумҳурии Тоҷикистон Сироҷиддин Муҳриддин иброз намуд, ки Конститутсияи Ҷумҳурии Тоҷикистон ба ҳайси замина ва қонуни бунёдии давлат масири ҷомеаи демократӣ, эҳтироми ҳуқуқу озодиҳои инсон ва ташаккули сохторҳои ҳокимиятро муайян сохта, Президенти Ҷумҳурии Тоҷикистон, Пешвои миллат кафили татбиқи ин санад ва арзишҳои он мебошанд.
Сироҷиддин Муҳриддин инчунин таъкид кард, ки маҳз ба туфайли Конститутсия Тоҷикистон дар даврони соҳибистиқлолӣ дар таъмини ҳуқуқу озодиҳои инсон ва шаҳрванд, рушди бомароми иқтисодиёт, татбиқи сиёсати дохилию хориҷӣ, дигаргуниҳои бунёдӣ дар ҳама самтҳои ҳаёти ҷомеа, паст кардани сатҳи камбизоатӣ, рушди илму маориф ва тандурустию фарҳанг муваффақ шуд.
Ҳамзамон изҳор гардид, ки имрӯз таҳти роҳбарии Пешвои миллат муҳтарам Эмомалӣ Раҳмон чандин ташаббусҳои глобалии Тоҷикистон аз сӯи ҷомеаи ҷаҳонӣ пазируфта шудаанд. Ҳамаи ин дастовардҳо самараи ҳидоятҳои дурбинона, роҳбарии оқилона ва иродаи матини Сарвари давлат ва таҳкимбахши ҳамгироии миллӣ ва омили асосии рушди устувору шукуфоии мамлакат мебошанд.
АКС: Вазорати корҳои хориҷии Ҷумҳурии Тоҷикистон
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
