Хонандагони ноҳияи Шоҳмансури шаҳри Душанбе дар се озмун ҷойи якум гирифтанд
ДУШАНБЕ, 01.11.2025 /АМИТ «Ховар»/. 29–30 октябр дар муассисаҳои давлатии «Маркази кӯдакон ва наврасони шаҳри Душанбе» ва «Маркази дарёфт ва рушди истеъдодҳои назди Сарраёсати маорифи шаҳри Душанбе» даври ниҳоии озмунҳои шаҳрии «Расми беҳтарин», «Иншои беҳтарин» таҳти унвони «Конститутсия – рамзи Истиқлол» ва «Беҳтарин донандаи Конститусия» баргузор шуд. Дар ин хусус ба АМИТ «Ховар» аз шуъбаи маорифи ноҳияи Шоҳмансур хабар доданд.
Дар номинатсияи «Расми беҳтарин» хонандаи синфи 9-и Муассисаи таҳсилоти миёнаи умуми №4-и ноҳияи Шоҳмансур Муҳаббат Давлатмуродова сазовори ҷойи 1 гардид.
Таълимгирандаи Маркази таҳсилоти иловагии ноҳияи Шоҳмансур Сарвиноз Мусофирова сазовори ҷойи 2 гардида, хонандаи синфи 10-и Муассисаи таҳсилоти миёнаи умумии №8-и ноҳияи Исмоили Сомонӣ Сумая Шукрихудоева ҷойи 3-юмро ба даст овард.
Дар номинатсияи «Иншои беҳтарин» хонандаи синфи 11-и Муассисаи таҳсилоти миёнаи умумии №9-и ноҳияи Шоҳмансур Фотима Ҷумъазода сазовори ҷойи 1, хонандаи синфи 11-и Муассисаи таҳсилоти миёнаи умумии №14-и ноҳияи Фирдавсӣ Иброҳим Раҳмонзода сазовори ҷойи 2 ва хонандаи синфи 11-и Литсейи №2 барои хонандагони болаёқати шаҳри Душанбе Мавлуда Мародмамадова сазовори ҷойи 3-юм гардиданд.
Дар бахши « Беҳтарин донандаи Конститутсия» хонандаи синфи 9-и Муассисаи таҳсилоти миёнаи умумии №31-и ноҳияи Шоҳмансур Нурбону Нурова ва хонандаи синфи 11-и Муассисаи таҳсилоти миёнаи умумии №72-и ноҳияи Фирдавсӣ Оиша Илҳомзода бо гирифтани 95 хол сазовори ҷойҳои якум гардиданд.
Хонандаи синфи 11-и Муассисаи таҳсилоти миёнаи умумии №87-и ноҳияи Сино Анушервон Ашуров бо гирифтани 94 хол сазовори ҷойи 2 ва хонандаи синфи 10-и Муассисаи таҳсилоти миёнаи умумии №42-и ноҳияи Фирдавсӣ Сомон Исматзода бо гирифтани 89 хол сазовори ҷойи 3-юм гардиданд.
Қадрдонии ғолибони озмунҳо дар рӯзи таҷлил намудани ҷашни 31-солагии қабули Конститутсияи Ҷумҳурии Тоҷикистон 4 ноябр, соати 14:00 дар Маркази дарёфт ва рушди истеъдодҳои шаҳри Душанбе дар назар аст.
АКС: Шуъбаи маорифи ноҳияи Шоҳмансур
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
