Иштироки ҳайати Тоҷикистон дар маросими ифтитоҳӣ 6-умин Бозиҳои ҳамбастагии исломӣ
ДУШАНБЕ, 08.11.2025 /АМИТ «Ховар»/. Маросими ифтитоҳи 6-умин Бозиҳои ҳамбастагии исломӣ-2025 дар шаҳри Риёзи Арабистони Саудӣ дар сатҳи баланд баргузор гардид. Дар ин хусус АМИТ «Ховар» бо истинод ба Муассисаи давлатии телевизиони «Варзиш» хабар медиҳад.
Мусобиқаҳо расман оғоз ёфта, то 21 ноябр идома хоҳанд ёфт. Ин чорабинии бисёрварзишӣ беш аз 3 ҳазор варзишгарро аз 57 кишвар дар 23 намуди варзиш ҷамъ меорад.
Ҷудочӣ Ҷаҳонгир Маҷидов ва волейболбоз Гурдофарид Ақназарова парчамбардорони Тоҷикистон дар маросими ифтитоҳии 6-умин Бозиҳои ҳамбастагии исломӣ буданд. Ҳайати васеи Тоҷикистон дар маросими кушодашавии мусобиқа дар қатори дигар кишварҳои иштирокчӣ иштирок намуд.
Тоҷикистонро дар ин мусобиқот 65 варзишгар аз рӯйи 10 намуди варзиш – варзиши сабук, варзиши электронӣ, волейбол, гӯштии тарзи озод ва юнонӣ-римӣ, таэквондо, тенниси рӯйи миз, футзал, ҷиуҷитсу, ҷудо ва шиноварӣ намояндагӣ мекунанд.
Ёдовар мешавем, ки Бозиҳои ҳамбастагии исломӣ дар соли 2025 аз 7-ум то 21-уми ноябр дар шаҳри Риёзи Арабистони Саудӣ таҳти сарпарастии Ассотсиатсияи варзишии ҳамбастагии исломӣ (ISSA) баргузор мешавад.
Бори дуюм аст, ки мизбонии баргузории ин мусобиқаро Арабистони Саудӣ ба уҳда мегирад. Дар мусобиқаи мазкур варзишгарони 57 кишвар дар 19 намуди варзиш иштирок мекунанд.
АКС: Муассисаи давлатии телевизиони «Варзиш»
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
