Варзишгарони тоҷик аз мусобиқаҳои байналмилалӣ 958 медал ба даст оварданд

Ноябрь 29, 2025 13:00

ДУШАНБЕ, 29.11.2025 /АМИТ «Ховар»/. Солҳои 2024–2025  аз ҷониби варзишгарони тоҷик дар мусобиқаҳои байналмилалӣ 958 медал, аз ҷумла 274 медали тилло, 268 нуқра ва 406 биринҷӣ ба даст оварда шуд. Дар натиҷа Парчами давлатии Ҷумҳурии Тоҷикистон 958 маротиба барафрохта шуда, 274 маротиба Суруди миллӣ садо додааст. Дар ин маврид зимни ҷаласаи навбатии Шурои рушди тарбияи ҷисмонӣ ва варзиш дар назди Ҳукумати Ҷумҳурии Тоҷикистон иттилоъ дода шуд.

Тавре  аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, дар ҷаласа муовини Сарвазири Ҷумҳурии Тоҷикистон Дилрабо Мансурӣ, аъзои Шуро, роҳбарони вазорату идораҳои дахлдор, федератсияҳои варзишӣ ва масъулини соҳаи тарбияи ҷисмонӣ ва варзиш иштирок намуданд.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ҳисоботи натиҷаҳои фаъолияти соҳаи варзишро дар солҳои 2024–2025 пешниҳод намуд. Иттилоъ дода шуд, ки Тоҷикистон дар ин давра мизбони 51 мусобиқаи байналмилалӣ гардида, беш аз 8000 нафар варзишгарон аз дохил ва хориҷи мамлакат иштирок намуданд.

Гуфта шуд, ки дар самти рушди варзиши оммавӣ дар ин давра дар ҷумҳурӣ беш аз 76 ҳазор чорабинии варзишию солимгардонӣ доир карда шуд. Дар ин чорабиниҳо зиёда аз 6 миллион нафар иштирок намуданд.

Дар соҳаи инфрасохтори варзишӣ танҳо дар ду соли охир 256 иншооти варзишӣ бо маблағи беш аз 130 миллион сомонӣ сохта, ба истифода дода шудааст.

Иброз гардид, ки Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Кумитаи миллии олимпии Тоҷикистон ва федератсияҳои варзишии мамлакат барои  омодагӣ ба Бозиҳои осиёии «Айчи–Нагоя 2026» ва Бозиҳои олимпии «Лос-Анжелес 2028» тадбирҳои заруриро ба роҳ мемонад.  Бо ин мақсад гурӯҳи кории соҳавӣ таъсис дода шуда, 11 намуди олимпӣ ҳамчун намудҳои афзалиятнок муайян гардидаанд.

Минбаъд низ барои иҷрои дастуру супоришҳои Ҳукумати Ҷумҳурии Тоҷикистон ва Шурои рушди тарбияи ҷисмонӣ ва варзиш тамоми чораҳои зарурӣ амалӣ гардонида мешаванд.

Таъкид шуд, ки ҳамаи ин дастоварду пешравиҳо натиҷаи дастгирии пайвастаи Ҳукумати Ҷумҳурии Тоҷикистон ва таваҷҷуҳи хоссаи Президенти Ҷумҳурии Тоҷикистон муҳтарам Эмомалӣ Раҳмон ба соҳаи варзиш мебошанд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

 

Ноябрь 29, 2025 13:00

Хабарҳои дигари ин бахш

ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад