Баланд бардоштани сатҳи таълиму тарбия дар Коллеҷи технологии Конибодом баррасӣ гардид

ДУШАНБЕ, 05.12.2025 /АМИТ «Ховар»/. 2 декабр дар Коллеҷи технологии ба номи А. Қаҳҳорови шаҳри Конибодом бо усули «Мактаб ба мактаб» бо иштироки намояндагони Мақомоти иҷроияи ҳокимияти давлатии шаҳри Конибодом вохӯрӣ баргузор гардид.

Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Конибодом хабар медиҳад,  дар вохӯрӣ масъалаҳои муҳими баланд бардоштани сатҳи таълиму тарбия, таҳкими ҳамкории муассир байни муассисаҳои таълимӣ, тақвияти ҳисси ватандӯстию худшиносии миллии ҷавонон, солимгардонии ҷомеа ва роҳҳои пешгирии зуҳуроти номатлуб мавриди баррасӣ қарор гирифтанд.

Таъкид гардид, ки чунин вохӯриҳо барои ҳамоҳангсозии кор, мубодилаи таҷриба ва ҷалби ҷавонон ба амалҳои созандагию ободонӣ аҳамияти хосса доранд.

Намояндагони мақомоти иҷроия барои таҳкими минбаъдаи ҳамкорӣ бо ҳайати омӯзгорону донишҷӯён изҳори омодагӣ намуда, ба ҷавонон барои фаъолияти босамар ва иштирок дар раванди ҷомеасозӣ тавсияҳои муфид пешниҳод карданд.

АКС: Мақомоти иҷроияи ҳокимияти давлатии шаҳри Конибодом