Дар ноҳияи Ёвон ҷиҳати таъмини иҷрои нишодиҳандаҳои Паёми Президенти Тоҷикистон ба Маҷлиси Олӣ ҳамоиш баргузор гардид
ДУШАНБЕ, 24.12.2025 /АМИТ «Ховар»/. 23 декабр дар асоси нақшаи чорабиниҳо ҷиҳати шарҳу тавзеҳи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар Кохи фарҳанги ноҳияи Ёвон ҳамоиш баргузор гардид, ки дар кори он вакили Маҷлиси намояндагони Маҷлиси Олии Ҷумҳурии Тоҷикистон Насрулло Ҳасанзода иштирок намуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Дар оғози вохӯрӣ аъзои Маҷлиси миллии Маҷлиси Олии Ҷумҳурии Тоҷикистон, Раиси ноҳияи Ёвон Икромиддин Вализода таъкид кард, ки Паёми имсолаи Президенти Ҷумҳурии Тоҷикистон ҳамчун санади муҳими сиёсӣ ва стратегӣ вазифаҳои афзалиятнокро дар самти рушди иҷтимоию иқтисодӣ, таҳкими пояҳои давлатдорӣ ва баланд бардоштани сатҳи зиндагии аҳолӣ муайян намудааст.
Вакили Маҷлиси намояндагон Насрулло Ҳасанзода иброз дошт, ки Паёми Президенти Ҷумҳурии Тоҷикистон ҳуҷҷати расмӣ ва муҳими барномавӣ буда, рушди иҷтимоию иқтисодӣ, фарҳангӣ ва сиёсии мамлакатро муайян менамояд.
Таъкид гардид, ки Сарвари давлат баланд бардоштани сатҳу сифати зиндагии мардуми кишварро ҳадафи олии давлат ва Ҳукумати мамлакат арзёбӣ намуда, таъкид карданд, ки дар ин самт минбаъд низ тамоми тадбирҳои зарурӣ андешида хоҳанд шуд. Ҳамчунин Пешвои миллат аз сокинони мамлакат даъват намуданд, ки ки ҳар як шаҳрванд ва ҳар як оила бояд бо дарки масъулияти ватансозиву давлатсозӣ, пеш аз ҳама, хонаву кошона ва маҳалли зисти худро ободу тоза нигоҳ дорад.
Дар ҷараёни вохӯрӣ ёдовар карда шуд, ки бо ташаббуси Президенти Ҷумҳурии Тоҷикистон соли 2026 Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон гардидааст.
Дар анҷоми вохӯрӣ интихобкунандагон бо изҳори сипос аз сиёсати хирадмандонаи Роҳбарияти давлат ва Ҳукумати Ҷумҳурии Тоҷикистон ба вакили Маҷлиси намояндагон саволҳо пешниҳод намуда, ба онҳо ҷавобҳои муфассал гирифтанд.
АКС: Мақомоти иҷроияи ҳокимияти давлатии ноҳияи Ёвон
Дар Донишгоҳи давлатии тиббии Хатлон вохӯрии вакилон бо интихобкунандагон баргузор шуд
Ҳифзи ҳуқуқи инсон ва таъмини шароити арзанда – мавзуи меҳварӣ дар Паёми Президенти Тоҷикистон ба Маҷлиси Олӣ
ПАЁМИ ПРЕЗИДЕНТИ ҶУМҲУРИИ ТОҶИКИСТОН — РОҲНАМО БА СӮЙИ ФАРДО. Мулоҳизаҳо дар ин маврид
«ЗАНОН — ДАР МЕҲВАРИ ПАЁМ». Дар Душанбе ҳамоиши занону духтарон баргузор гардид
Китоби «Ҳадафҳои созандаи паёмҳои Президенти Ҷумҳурии Тоҷикистон» ба нашр расид
Дар Донишкадаи кӯҳию металлургии Тоҷикистон дар партави Паёми Президенти Тоҷикистон ба Маҷлиси Олӣ ҳамоиши илмӣ баргузор шуд
Нақши Паёми Президенти Ҷумҳурии Тоҷикистон муҳтарам Эмомалӣ Раҳмон дар рушди соҳаи таҳсилоти томактабӣ
Дар Агентии амнияти химиявӣ, биологӣ, радиатсионӣ ва ядроӣ оид ба шарҳи Паёми Президенти Тоҷикистон ба Маҷлиси Олӣ вохӯрӣ доир шуд
