Дар шаҳри Ҳисор маъракаи азнавбақайдгирии нафақагирон идома дорад
ҲИСОР, 21.12.2025 /АМИТ «Ховар»/. Дар ҷамоатҳои шаҳраку деҳоти шаҳри Ҳисор маъракаи азнавбақайдгирии нафақагирон идома дорад. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Ҳисор хабар доданд.
Тибқи иттилои сардори Раёсати Агентии суғуртаи иҷтимоӣ ва нафақа дар шаҳри Ҳисор Алишер Қосимзода, дар ин чорабинӣ нуҳ корманди Раёсати Агентии суғуртаи иҷтимоӣ ва нафақа иштирок намуданд. Онҳо нафақагиронро тавассути телефонҳои мобилӣ акс гирифта, бо шинохти чеҳра аз нав ба қайд мегиранд.
Тибқи ҳисоботи оморӣ, дар шаҳри Ҳисор 26 ҳазору 877 нафақагир ба қайд гирифта шудааст, ки аз инҳо 5297 нафар нафақагирони маъюб, 1422 нафар нафақагирони бесаробон, ятими куллу нимятим ва 20158 нафар нафақагирони иҷтимоӣ мебошанд. То имрӯз зиёда аз 14 ҳазор нафақагир ба қайд гирифта шудааст.
Бояд гуфт, ки кормандони Раёсати Агентии суғуртаи иҷтимоӣ ва нафақа дар шаҳри Ҳисор маъюбон, пиронсолон, беморонро дар хонаҳояшон азнав ба қайд мегиранд. Дар маъракаи азнавбақайдгирӣ раисони деҳаҳо, имомхатибон ва масъулини ҷамоатҳои шаҳраку деҳот ҳамкорӣ ва кумак менамоянд.
Ёдовар мешавем, ки маъракаи азнавбақайдгирии нафақагирон дар 68 шаҳру ноҳияи ҷумҳурӣ идома дорад. Масъулини соҳа то 30 декабри соли 2025 ин равандро ба анҷом расонида, ба Ҳукумати Ҷумҳурии Тоҷикистон маълумот пешниҳод менамоянд.
АКС: Мақомоти иҷроияи ҳокимияти давлатии шаҳри Ҳисор
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
