Дар ҶСК «Барқи Тоҷик» самти энергетикии Паёми Президенти Тоҷикистон ба Маҷлиси Олӣ баррасӣ гардид
ДУШАНБЕ, 31.12.2025 /АМИТ «Ховар»/. Паёми Президенти Тоҷикистон муҳтарам Эмомалӣ Раҳмон ба Маҷлиси Олӣ ҳамчун санади стратегӣ барои рушди устувори соҳаи энергетика заминаи воқеӣ фароҳам оварда, дар он масъалаҳои таъмини амнияти энергетикӣ, истифодаи самараноки захираҳо, коҳиши талафоти неруи барқ ва ҷорӣ намудани технологияҳои муосир мақоми махсус доранд. Чунин гуфта шуд дар ҳамоише, ки дар Душанбе вобаста ба тавзеҳи Паёми Президенти Тоҷикистон ба Маҷлиси Олӣ бо иштироки роҳбарият ва кормандони Ҷамъияти саҳомии кушодаи «Барқи Тоҷик», Ҷамъияти саҳомии кушодаи «Шабакаҳои интиқоли барқ» ва Ҷамъияти саҳомии кушодаи «Шабакаҳои тақсимоти барқ» баргузор гардид.
АМИТ «Ховар» бо истинод ба Ҷамъияти саҳомии кушодаи «Барқи Тоҷик» иттилоъ медиҳад, ки зимни тавзеҳи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ иштирокдорони ҳамоиш оид ба нуктаҳои калидии ин санади муҳим, бахусус дар самти энергетика, муайян намудани вазифаҳои афзалиятноки соҳа ва татбиқи амалии дастуру супоришҳои Пешвои миллат дар фаъолияти минбаъдаи сохторҳои энергетикӣ ибрози назар намуданд.
Иштирокдорони ҳамоиш самти энергетикии Паёми Президенти Тоҷикистон ба Маҷлиси Олиро мавриди таҳлили ҳамаҷониба қарор дода, андешаҳои худро дар партави ин ҳуҷҷати муҳим оид ба зарурати сарфакорона истифода бурдани неруи барқ, пешгирии талафоти техникию иқтисодӣ ва баланд бардоштани сатҳи масъулияти кормандон дар ҳама зинаҳои истеҳсол, интиқол ва тақсимоти неруи барқ баён намуданд. Онҳо Паёми Президенти Тоҷикистон ба Маҷлиси Олиро ҳамчун роҳнамои рушди соҳа арзёбӣ намуда, барои саҳмгузорӣ дар татбиқи ҳадафҳои стратегии давлат дар самти энергетика изҳори омодагӣ намуданд.
Таъкид гардид, ки натиҷаи ҳамоишҳо ба баланд бардоштани сатҳи маърифати сиёсию касбии кормандон мусоидат намуда, барои иҷрои босифати дастуру супоришҳои Президенти Ҷумҳурии Тоҷикистон дар роҳи таъмини рушди устувори соҳаи энергетика нақши муассир мегузорад.
АКС: Ҷамъияти саҳомии кушодаи «Барқи Тоҷик»
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
