Эрон барои ҳамкории мутақобили судманд бо Тоҷикистон ва вилоятҳои он ибрози омодагӣ намуд
ДУШАНБЕ, 22.12.2025 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо раиси вилояти Гулистони Эрон Алиасғари Таҳмосбӣ мулоқот намуд.
Тавре ба АМИТ «Ховар» аз Сафорати Тоҷикистон дар Эрон хабар доданд, дар мулоқот Алиасғари Таҳмосбӣ бо ишора ба зарфияти иқтисодиву тиҷоратӣ ва фарҳангии вилояти Гулистон омодагии ҷониби эрониро барои ба роҳ мондани ҳамкории мутақобили судманд бо Тоҷикистон ва вилоятҳои алоҳидаи он иброз намуд. Дар ин самт баргузории намоишгоҳҳои молу коло ва нишастҳои фаъолони иқтисодии ду ҷониб муҳим арзёбӣ гардид.
Раиси вилояти Гулистон ҳамчунин барои иштироки ҳайати фарҳангии Ҷумҳурии Тоҷикистон дар давраи 17-ум Ҷашнвораи фарҳанги ақвоми Эронзамин, ки аз бузургтарин ҷашнвораҳои фарҳангии Эрон буда, имсол аз 16 то 19 декабр дар маркази вилоят – шаҳри Гургон баргузор гардид, изҳори сипос намуд. Таъкид гардид, ки барномаи фарҳангии Тоҷикистон мавриди писанд ва истиқболи гарми иштироккунандагони ҷашнвора қарор гирифт.
АКС: Сафорати Ҷумҳурии Тоҷикистон дар Ҷумҳурии Исломии Эрон
Дар Душанбе масъалаи таъмини амнияти иттилоотӣ баррасӣ гардид
Сафири Тоҷикистон бо донишҷӯёни олмонӣ — омӯзандагони забони тоҷикӣ дар Донишгоҳи Ҳумболдти Берлин вохӯрӣ намуд
Ҳамкории судманд байни Тоҷикистон ва Эрон баррасӣ гардид
Ҷумҳурии Тоҷикистон ба Маркази машваратии ҳуқуқии Созмони ҷаҳонии савдо пазируфта шуд
РАВАНДИ ОБИ ДУШАНБЕ. Дар Риёз нишасти матбуотӣ оид ба Конфронси чоруми байналмилалии сатҳи баланд баргузор гардид
РАВАНДИ ОБИ ДУШАНБЕ. Ба масъалаи маблағгузории лоиҳаҳо дар соҳаи обрасонӣ ва санитария таваҷҷуҳи махсус дода мешавад
Низоми бераводид байни Тоҷикистон ва Молдова нигоҳ дошта мешавад
Сафири Тоҷикистон бо Дабири кулли Ассамблеяи парлумонии Осиё мулоқот намуд
Сафорати Тоҷикистон дарҳояшро барои хонандагони Москва боз намуд
Сафири Тоҷикистон бо ҳамоҳангсози доимии СММ дар Арабистони Саудӣ мулоқот намуд
Дар Ашқобод нишасти матбуотӣ оид ба омодагӣ ба Конфронси байналмилалии об баргузор гардид
Ҳолати кунунии муносибатҳои Тоҷикистону Таиланд баррасӣ гардид
