ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
ДУШАНБЕ, 05.12.2025 /АМИТ «Ховар»/. Дар Ҷамоати деҳоти Рарзи ноҳияи Айнӣ соли 2026 беш аз 300 гектар замин обёрӣ гардида, ба гардиши кишт ворид карда мешавад. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Айнӣ хабар доданд.
Дар айни замон ба беш аз 9,5 километр замин об оварда шудааст. Об тавассути қубурҳои пластикӣ ба маркази деҳа ва ба минтақаи баландии деҳа (5,5 километр) интиқол меёбад. Ҳоло корҳои кашидани хати об идома дошта, баъди анҷоми он сокинон омодаанд бо роҳи ҳашар оби сойро тавассути қубурҳои пластикӣ ба деҳа ворид кунанд.
Калонтарин ҳавзи деҳа бо дастгирии Мақомоти иҷроияи ҳокимияти давлатии ноҳияи Айнӣ таъмир мешавад. Он 2700 метри мукааб ғунҷоиши об дошта, баъди ба ҳавз расидани об имконият медиҳад дар як вақт 60 гектар замин бо об таъмин карда шавад.
Ҷамоати деҳоти Рарз дар ҳудуди ноҳияи Айнӣ аз ҷиҳати иқтидори кишоварзӣ яке аз минтақаҳои беҳтарин ва дорои хоки серҳосил ба шумор меравад. Ҳосили серобу босифат ҳам аз заминҳои корам ва ҳам аз боғҳои суннатию интенсивӣ ба даст оварда мешавад.
АКС: Мақомоти иҷроияи ҳокимияти давлатии ноҳияи Айнӣ
12 август дар Донишкадаи тиббӣ-иҷтимоӣ, Филиали Донишкадаи рушди менеҷменти Сингапур ва Мақомоти иҷроияи ҳокимияти давлатии ноҳияи Нуробод нишасти матбуотӣ баргузор мегардад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
Имрӯз дар шаҳри Душанбе ҳаво то 39 дараҷа гарм мешавад
Дар Тоҷикистон истеҳсоли равғани растанӣ зиёд гардидааст
Имрӯз дар водиҳои Тоҷикистон ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар арафаи ҷашни Истиқлоли давлатӣ дар ноҳияи Рашт чор иншооти нав ба истифода дода шуд
