Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
ДУШАНБЕ, 18.12.2025. /АМИТ «Ховар»/. Имрӯз вохӯрии Котиби Шурои амнияти Ҷумҳурии Тоҷикистон Юсуф Раҳмон бо Сафири Фавқулодда ва Мухтори Федератсияи Русия дар Ҷумҳурии Тоҷикистон Семён Григорев доир гардид, хабар медиҳад АМИТ «Ховар».
Зимни мулоқот ҳодисаи кушта шудани шаҳрванди ноболиғи Ҷумҳурии Тоҷикистон Қобилҷон Алиев дар шаҳри Одинтсовои вилояти Москваи Федератсияи Русия, мавриди таваҷҷуҳи хосса қарор гирифт.
Таъкид гардид, ки ин ҷинояти мудҳиш дар ҷомеаи Тоҷикистон нигаронии ҷиддӣ ва вокуниши васеъ ба бор овардааст.
Дар ин замина ҷониби Тоҷикистон ба зарурати таҳқиқи ҳамаҷониба, одилона ва шаффофи қазияи мазкур аз ҷониби мақомоти салоҳиятдори Федератсияи Русия ишора намуда, аҳамияти таъмини ҳифзи ҳуқуқ ва амнияти ноболиғонро ҳамчун авлавияти умумӣ таъкид кард.
Ҳамзамон дар ҷараёни мулоқот масъалаҳои ҳамкории дуҷониба дар соҳаи таъмини амният, вазъи кунунӣ ва дурнамои рушди муносибатҳои стратегии Тоҷикистону Русия мавриди баррасӣ қарор дода шуд.
Ҷонибҳо ҳамчунин масоили ҳамкории мақомоти салоҳиятдори ду кишварро дар самти таъмини амнияти миллӣ ва минтақавӣ, аз ҷумла дар муқовимат бо терроризм ва ифротгароӣ, ҷинояткории муташаккили фаромиллӣ, гардиши ғайриқонунии маводи мухаддир ва силоҳ муҳокима намуданд.
Дар анҷоми мулоқот омодагии ҷонибҳо ҷиҳати идома додани муколамаи созанда ва таҳкими ҳамкории дуҷониба дар ҳамаи самтҳо иброз гардид.
АКС: АМИТ «Ховар»
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд
Котиби Шурои амнияти Тоҷикистон дар вохӯрии котибони Шуроҳои амнияти кишварҳои ИДМ иштирок намуд
Тоҷикистон ва Қазоқистон ҳамкории ҳуқуқиро тақвият медиҳанд
Дар Вазорати корҳои дохилӣ ба муносибати Рӯзи милитсияи тоҷик ҳамоиши тантанавӣ доир шуд
