Оид ба робитаи фалсафа бо зеҳни сунъӣ машварат баргузор шуд

 ДУШАНБЕ, 04.12.2025 /АМИТ «Ховар»/. Дар Институти фалсафа, сиёсатшиносӣ ва ҳуқуқи ба номи А. Баҳоваддинови Академияи миллии илмҳои Тоҷикистон дар мавзуи «Робитаи фалсафа бо зеҳни сунъӣ» машварати илмӣ-фалсафӣ баргузор гардид, хабар медиҳад АМИТ «Ховар» бо истинод ба ин институт.

Дар машварат зарурати баррасии паҳлуҳои фалсафии рушди зеҳни сунъӣ, таъсири он ба ҷомеа ва масъалаҳои ахлоқию методологии ин падидаи муосир таъкид гардид.

Коршиноси хориҷӣ Башир Азизӣ зимни маъруза паҳлуҳои назариявию амалии робитаи фалсафа бо технологияҳои зеҳни сунъиро шарҳ дод.

Гуфта шуд, ки фалсафа бо баррасии саволҳои аслии ҳувият, маърифат, озодӣ, ахлоқ ва масъулият метавонад чаҳорчӯби фаҳмӣ ва арзиширо барои истифодаи дурусти зеҳни сунъӣ фароҳам оварад.

АКС: Институти фалсафа, сиёсатшиносӣ ва ҳуқуқи Академияи миллии илмҳои Тоҷикистон