Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
РӮДАКӢ, 21.12.2025 /АМИТ «Ховар»/. Бо мақсади иҷрои «Барномаи рушди ҳунармандӣ дар Ҷумҳурии Тоҷикистон барои солҳои 2021-2025» 18 декабр дар ноҳияи Рӯдакӣ машғулияти омӯзишӣ оид ба рушди ҳунармандӣ ва истифода аз грантҳои президентӣ баргузор гардид. Дар ин хусус ба хабарнигори АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Дар машғулияти омӯзишӣ иброз гардид, ки дар доираи нақшаи чорабиниҳои амалисозии «Барномаи рушди ҳунармандӣ дар Ҷумҳурии Тоҷикистон» барои солҳои 2021–2025 дар ноҳияи Рӯдакӣ якчанд иқдоми муҳим амалӣ гардид. Ҳамзамон барои эҳё ва рушди ҳунарҳои мардумӣ, ҷалби аҳолӣ ба шуғли истеҳсолӣ ва таъсиси ҷойи нави кор заминаи мусоид фароҳам оварда шуд. Ҳамзамон грантҳои президентӣ имконият фароҳам меоранд, то ҳунармандон фаъолияташонро густариш дода, маҳсулоти рақобатпазир истеҳсол намоянд ва ба бозорҳои дохилию хориҷӣ роҳ ёбанд.
Дар машғулияти омӯзишӣ масъалаҳо оид ба тартиби пешниҳоди лоиҳаҳо барои дарёфти грантҳои президентӣ, рушди малакаҳои касбӣ, ҳифз ва муаррифии ҳунарҳои миллӣ, инчунин роҳҳои ҷалби ҷавонон ва занон ба соҳаи ҳунармандӣ баррасӣ карда шуданд.
АКС: Мақомоти иҷроияи ҳокимияти давлатии ноҳияи Рӯдакӣ
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
