«САРҲАДБОНОН-ЧАШМИ БЕДОРИ ВАТАН». Дар қисми ҳарбии Қӯшунҳои сарҳадӣ ҳамоиши тантанавӣ баргузор гардид
ДУШАНБЕ, 31.12.2025 /АМИТ «Ховар»/. Дар қисми ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо ташаббуси Кумитаи иҷроияи марказии Ҳизби Халқии Демократии Тоҷикистон таҳти унвони «Сарҳадбонон — чашми бедори Ватан» ҳамоиши тантанавӣ баргузор гардид. Дар ин хусус ба АМИТ «Ховар» аз ин кумитаи иҷроияи марказии ҳизб хабар доданд.
Зимни ҳамоиш муовини якуми Раиси Ҳизби Халқии Демократии Тоҷикистон Маликшо Неъматзода иброз дошт, ки сарҳадбонон ҳамчун муҳофизони боэътимоди Ватан ба таври шабонарӯзӣ барои амнияти давлату миллат хизмати содиқона мекунанд. Мавсуф аз дастгириҳои пайвастаи Пешвои миллат муҳтарам Эмомалӣ Раҳмон нисбат ба сохторҳои низомӣ ёдовар шуда, ғамхории доимии Сарвари давлатро яке аз омилҳои асосии пешрафт ва руҳбаландии хизматчиёни ҳарбӣ арзёбӣ намуд.
Ҳамчунин таъкид гардид, ки ҷавонони синни даъвати ҳарбӣ бояд бо эҳсоси баланди ватандӯстӣ хизмат ба Ватанро ифтихор донанд. Маликшо Неъматзода ҷавононро ба хизмати содиқонаю софдилона ба миллату давлат даъват кард.
Дар идомаи ҳамоиш ба як зумра сарбозони фаъол Сипосномаи Ҳизби Халқии Демократии Тоҷикистон супорида шуд.
АКС: Кумитаи иҷроияи марказии Ҳизби Халқии Демократии Тоҷикистон
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
