«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
ДУШАНБЕ, 04.12.2025 /АМИТ «Ховар»/. 3 декабр дар доираи иқдоми фарҳангии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон тақдими китоби безаволи «Шоҳнома»-и Абулқосим Фирдавсӣ ба ҳар хонадони шаҳри Гулистони вилояти Суғд оғоз гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Гулистон.
Зимни маросими тақдими ин китоб ба собиқадорони меҳнат иброз гардид, ки «Шоҳнома» ҳамчун ганҷинаи безаволи адабиёти классикӣ ва рамзи ҳифзи ҳувияти миллӣ барои тарбияи худшиносии насли наврасу ҷавон аҳамияти бузург дорад. Ин иқдом ба густариши сатҳи маърифат, эҳтиром ба мероси ниёгон ва эҳёи арзишҳои миллӣ мусоидат мекунад.
Собиқадорон барои ғамхорӣ ва таваҷҷуҳи доимии Сарвари давлат нисбат ба рушди маърифати ҷомеа изҳори сипос намуданд. Иброз гардид, ки чунин тадбирҳо на танҳо маънавиёти ҷомеаро таҳким мебахшанд, балки дар баланд бардоштани завқи китобхонӣ ва омӯзиши осори бузургони адаб нақши муассир мегузоранд.
АКС: Мақомоти иҷроияи ҳокимияти давлатии шаҳри Гулистон
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
