ДАРАХТ БИНШОН! Дар ноҳияи Мастчоҳ 70 ҳазор бех ниҳол шинонида мешавад
ДУШАНБЕ, 11.01.2026 /АМИТ «Ховар»/. Бо мақсади иҷрои «Барномаи давлатӣ оид ба кабудизоркунии Ҷумҳурии Тоҷикистон барои давраи то соли 2040» дар ноҳияи Мастчоҳ маъракаи васеи ниҳолшинонӣ баргузор гардида, дар маҷмуъ шинонидани 70 ҳазор бех ниҳол ба нақша гирифта шудааст. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Мастчоҳ хабар доданд.
Ин иқдом дар тамоми деҳаю маҳаллаҳои ҷамоатҳои шаҳраку деҳот, хоҷагиҳои деҳқонӣ ва заминҳои наздиҳавлигии аҳолии ноҳия амалӣ мегардад.Ҳадаф аз ин иқдом беҳтар намудани ҳолати экологии минтақа, сарсабз гардонидани муҳити зист ва зебоии маҳал арзёбӣ мешавад.
Дар доираи маъракаи ниҳолшинонӣ канори шоҳроҳи Чанок – Душанбе, кӯчаю хиёбонҳо, ҳудуди ҷамоатҳои шаҳраку деҳот, инчунин ҳудуди хоҷагиҳои деҳқонӣ ва хатҳои муҳофизатии байни хоҷагиҳо бо ниҳолҳо сарсабз гардонида мешаванд. Ба иттилои масъулин, барои ниҳолшинонӣ навъҳое интихоб мегарданд, ки ба иқлими минтақа мутобиқ буда, устуворӣ ва самаранокии дарозмуддат доранд.
Тибқи иттилоъ, соли 2025 дар доираи «Барномаи давлатӣ оид ба кабудизоркунии Ҷумҳурии Тоҷикистон барои давраи то соли 2040» дар ҳудуди ноҳияи Мастчоҳ беш аз 28 ҳазор бех ниҳолҳои ороишию сояафкан, мевадиҳанда ва гулу гулбуттаҳо шинонида шуданд.
АКС: Мақомоти иҷроияи ҳокимияти давлатии ноҳияи Мастчоҳ
НИШАСТИ МАТБУОТӢ. Соли 2025 дар Тоҷикистон беш аз 3 миллион бех ниҳоли дарахтони ҳамешасабзу ороишӣ шинонида шуд
ДАРАХТ БИНШОН! Дар ноҳияи Синои пойтахт беш аз 500 бех ниҳоли санавбар шинонида шуд
БАРНОМАИ РУШДИ ПАРВАРИШИ ПАВЛОВНИЯ ДАР ТОҶИКИСТОН. Дар мавсими ниҳолшинонии имсола дар 100 гектар павлония шинонида мешавад
ДАРАХТ БИНШОН! Дар хоҷагии ҷангали ноҳияи Данғара зиёда аз 10 ҳазор бех ниҳоли ҳамешасабз ва сояафкан шинонида шуд
35-СОЛАГИИ ИСТИҚЛОЛИ ДАВЛАТӢ. Дар шаҳраки Адрасмон корҳои созандагиву ободонӣ вусъат меёбанд
Дар ноҳияи Шаҳристон майдони дарахти себ зиёд карда мешавад
ДАРАХТ БИНШОН! Фонди хайриявии «Музаффар» беш аз 21 ҳазор бех ниҳоли дарахтони ҳамешасабзу ороишӣ мешинонад
ДАРАХТ БИНШОН! Дар ҳудуди шоҳроҳи Душанбе-Норак-Кӯлоб 200 бех ниҳоли ороишию сояафкан шинонида шуд
ДАРАХТ БИНШОН! Дарахтони сӯзанбарг аҳамияти иқтисодӣ ва шифобахшӣ доранд
ДУШАНБЕ — ШАҲРИ САБЗ. Маорифчиёни ноҳияи Шоҳмансур дар ҳудуди «Боғи Ғалаба» зиёда аз 1000 бех ниҳол шинониданд
«САРСАБЗИИ ВАТАН МАРОМИ МОСТ». Дар ноҳияи Варзоб ҳашари ниҳолшинонӣ доир гардид
БАРНОМАИ ДАВЛАТИИ КАБУДИЗОРКУНӢ. Соли 2026 дар Хатлон 600 ҳазор бех ниҳол шинонида мешавад
