Дар ноҳияи Бобоҷон Ғафуров сохтмони стансияи замонавии зиддижола вусъат меёбад
ДУШАНБЕ, 28.01.2026 /АМИТ «Ховар»/. Бо мақсади пешгирии хавфҳои эҳтимолӣ, таъсири бориши жола ва ҳифзи соҳаи боғу токпарварӣ бо дастгирии Ҳукумати Ҷумҳурии Тоҷикистон ва ташаббуси Раёсати Хадамоти зиддижолаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар ноҳияи Бобоҷон Ғафуров сохтмони стансияи замонавии зиддижола идома дорад. Дар ин хусус АМИТ «Ховар» бо истинод ба хадамоти матбуоти Раиси вилояти Суғд иттилоъ медиҳад.
Сохтмони стансияи зиддижола бо маблағгузории Бонки рушди Осиё амалӣ мегардад. Ин иншоот дар ҳифзи боғу токзор, бахусус дар давраи гулкунӣ ва ҳосилбандӣ нақши муҳим мебозад. Стансия имконият дорад, ки майдонҳои васеи боғу токзорро дар масофаи беш аз 100 километр аз таъсири манфии бориши жола муҳофизат намояд. Он бо истифода аз дастгоҳу таҷҳизоти муосир бунёд гардида, боғу токзори шаҳру ноҳияҳои Исфара, Бобоҷон Ғафуров, Мастчоҳ, Ашт, Конибодом, Ҷаббор Расулов, Спитамен ва Истаравшанро аз таъсири жола ҳифз менамояд.
Бо назардошти он ки ин ноҳияҳо минтақаҳои асосии боғу токпарварии мамлакат ба шумор мераванд, татбиқи роҳу усулҳои муосири ҳифзи ҳосил аз тадбирҳои муҳим ва судманд арзёбӣ мегардад. Пароканда намудани абрҳои хатарнок ва пешгирии бориши жола имкон фароҳам меорад, ки ҳосили деҳқонон аз талафёбӣ пешгирӣ карда шавад.
Бунёди чунин стансияи замонавии зиддижола дар водии Зарафшон низ дар назар дошта шудааст.
Корҳои сохтмониро дар ин иншоот мутахассисону масъулони Ҷамъияти дорои масъулияти маҳдуди «Сохтмон-3» ба уҳда доранд. Онҳо кӯшиш доранд, ки сохтмон то оғози мавсими бориши имсола ба анҷом расонида шавад.
АКС: Хадамоти матбуоти Раиси вилояти Суғд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
