Дар шаҳри Гулистон корхонаи таъмири трансформаторҳо ба истифода дода шуд
ДУШАНБЕ, 03.01.2026 /АМИТ «Ховар»/. Дар доираи татбиқи стратегияи чоруми миллии Ҷумҳурии Тоҷикистон — саноатикунонии босуръати мамлакат ва иҷрои Фармони Президенти Ҷумҳурии Тоҷикистон дар бораи Солҳои рушди саноат эълон гардидани солҳои 2022–2026 дар шаҳри Гулистони вилояти Суғд корхонаи таъмири трансформаторҳо – Ҷамъияти дорои масъулияти маҳдуди «Неруи Истиқлол» ба истифода дода шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Гулистон хабар доданд.
Иттилоъ дода шуд, ки дастгоҳу таҷҳизоти муосири истеҳсолии корхона аз Федератсияи Русия ва Ҷумҳурии Мардумии Чин ворид гардида, мутобиқ ба талаботи байналмилалӣ васлу насб шудаанд. Ин таҷҳизот имконият фароҳам меорад, ки корҳои таъмир ва барқарорсозии трансформаторҳо бо сифати баланд ва дар муҳлати кӯтоҳ анҷом дода шаванд.
Дар марҳилаи аввал фаъолияти корхона дар як баст ташкил гардида, 6 нафар мутахассисони маҳаллӣ бо ҷойи кори доимӣ таъмин шудаанд. Ҳамзамон вобаста ба зиёд намудани ҳаҷми фармоишҳо ва тавсеаи иқтидор дар оянда таъсиси ҷойи нави кор низ дар назар дошта шудааст.
Ба иттилои масъулин, иқтидори истеҳсолии корхона таъмири то 8 трансформаторро дар як моҳ ташкил медиҳад. Ин иқдом ба беҳтар гардидани хизматрасонии техникӣ дар соҳаи энергетика, таъмини фаъолияти мунтазами шабакаҳои барқӣ ва коҳиши хароҷот вобаста ба ирсоли таҷҳизот барои таъмир ба хориҷи мамлакат мусоидат менамояд.
Таъкид гардид, ки чунин корхонаҳои истеҳсолӣ дар рушди иқтисодиёти маҳаллӣ, таъсиси ҷойи нави кор ва баланд бардоштани сатҳи зиндагии аҳолӣ нақши муҳим доранд. Мақомоти иҷроияи ҳокимияти давлатии шаҳри Гулистон минбаъд низ ташаббусҳои соҳибкорони ватаниро дар самти рушди саноат, таъсиси иқтидори нави истеҳсолӣ ва татбиқи лоиҳаҳои сармоягузорӣ ҳамаҷониба дастгирӣ менамояд.
АКС: Мақомоти иҷроияи ҳокимияти давлатии шаҳри Гулистон
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
