Дар шаҳри Кӯлоб оид ба тарбияи ватандӯстӣ ва худшиносии миллӣ вохӯриҳо доир гардиданд
ДУШАНБЕ, 25.01.2026. /АМИТ «Ховар»/. Дар 40 муассисаи таълимии шаҳри Кӯлоб таҳти шиори «Тарбияи ватандӯстӣ аз худшиносии миллӣ сарчашма мегирад» бо хонандагони синфҳои 9, 10 ва 11 суҳбату вохӯрӣ ва чорабиниҳои профилактикӣ гузаронида шуданд.
Тавре ба АМИТ «Ховар» аз Раёсати Вазорати корҳои дохилӣ дар вилояти Хатлон хабар доданд, ин вохӯриҳо дар доираи иҷрои қонунҳои Ҷумҳурии Тоҷикистон «Дар бораи тарбияи ватандӯстӣ» ва «Дар бораи масъулият барои таълиму тарбияи кӯдак» ба роҳ монда шудаанд.
Баргузории чунин суҳбату вохӯриҳо ба баланд бардоштани ҳисси ватандӯстӣ, худшиносӣ ва ҳувияти миллӣ, ҳифзи арзишу муқаддасоти миллӣ, ҳамзамон ба пешгирии содиршавии кирдорҳои зиддиҳуқуқӣ дар байни ноболиғону ҷавонон ва баланд бардоштани савияи ҳуқуқии ин насли ояндасози ҷомеа равона шудааст.
Гуфта шуд, ки ҳарчанд аз қабули Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» чандин сол сипарӣ гардида бошад ҳам, вале ҳамоно падару модароне ҳастанд, ки муқаррароти ин қонунро нодида гирифта, нисбат ба таълиму тарбияи фарзанди худ бепарвоӣ зоҳир мекунанд. Ин омил оқибати хуб надошта, боиси сар задани қонуншиканию ҷиноятҳо мегардад.
Аз маъмурияти муассисаҳои таълимӣ, волидайн ва аҳли ҷомеа тақозо карда шуд, ки нисбат ба ояндаи ноболиғону ҷавонон- насли ояндасози миллату давлат бетараф набуда, барои ояндаи дурахшони онҳо тамоми кӯшишро ба харҷ диҳанд.
АКС: Раёсати Вазорати корҳои дохилӣ дар вилояти Хатлон
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
