Пагоҳ дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор мешавад
ДУШАНБЕ, 31.01.2026 /АМИТ «Ховар»/. 1 феврал дар маҷмааи варзишии Донишгоҳи миллии Тоҷикистон Мусобиқаи ҷумҳуриявӣ оид ба ҷиу-ҷитсу байни калонсолон баргузор мешавад. Дар ин хусус ба АМИТ «Ховар» аз Федератсияи ҷиу-ҷитсуи Ҷумҳурии Тоҷикистон хабар доданд.
Ҳадаф аз баргузории чунин мусобиқаҳо ҷалби бештари аҳолӣ ба варзиш, баланд бардоштани ҳисси ватандӯстӣ ва худшиносии миллӣ, муайян ва дастгирӣ намудани варзишгарони боистеъдод, интихоб ва омодасозии онҳо барои иштирок дар мусобиқаҳои минбаъдаи ҷумҳуриявӣ ва байналмилалӣ мебошад.
Инчунин баргузории мусобиқа барои тақвияти дӯстӣ ва ҳамкории варзишӣ байни клубҳо ва муассисаҳои варзишии ноҳияҳо, шаҳру вилоятҳо, баланд бардоштани сатҳи маҳорати варзишгарон ва рушди ҷиу-ҷитсу ҳамчун намуди муосири варзиш дар мамлакат мебошад.
Ёдовар мешавем, ки чанде пеш Манучеҳр Каримзода раиси Федератсияи ҷиу-ҷитсуи Тоҷикистон интихоб шуд. Бо интихоби роҳбари нави федератсия дастгирии варзишгарон боз ҳам тақвият ёфта, намояндагони мамлакат дар мусобиқаҳои сатҳи байналмилалӣ ба натиҷаҳои назаррас ноил мегарданд.
Аз рӯзҳои нахустини фаъолият роҳбари нави федератсия табодули таҷриба ва донишро дар сатҳи байналмилалӣ дар меҳвари фаъолият қарор дода, бо ин мақсад бо фаъолияти мактабҳои бонуфузи Иёлоти Муттаҳидаи Амрико, Ҷопон ва Амороти Муттаҳидаи Араб шинос шуд.
Татбиқи таҷрибаи байналмилалӣ метавонад ба болоравии сатҳи ҷиу-ҷитсу ва маъруфияти он дар Тоҷикистон мусоидат намояд.
АКС аз бойгонӣ
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
