Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
ДУШАНБЕ, 28.02.2026. /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар деҳаи Мадми ноҳияи Айнӣ ба бунёди бинои муассисаи таҳсилоти миёнаи умумии №20 санги асос гузошта шуд. Дар ин хусус ба АМИТ “Ховар” аз Мақомоти иҷроияи ҳокимияти давлатии ноҳияи Айнӣ хабар доданд.
Ин иқдом дар доираи сиёсати маорифпарваронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон амалӣ гардида, идомаи сиёсати созандагию бунёдкорӣ ва таваҷҷуҳи хос ба рушди соҳаи маориф дар маҳал маҳсуб меёбад, ки ба беҳбуди инфрасохтори соҳаи маориф ва фароҳам овардани шароити арзандаи таълиму тарбия равона шудаанд.
Бо иштироки роҳбарияти мақомоти иҷроияи ҳокимияти давлатии ноҳия ва намояндагони сохторҳои давлатӣ маросими тантанавии гузоштани санги асос барои сохтмони муассисаи таҳсилоти миёнаи умумӣ дар деҳаи Мадм баргузор гардид.
Дар чорабинӣ фаъолону калонсолони рӯзгордида, омӯзгорон ва сокинони деҳа иштирокнамуданд.
Таъкид гардид, ки бунёди муассисаи нави таълимӣ заминаи мусоид барои баланд бардоштанисатҳу сифати таълим, фароҳам овардани шароитизамонавӣ ва таъмини хонандагон бо муҳитимуносиб барои донишандӯзӣ мебошад.
Муассисаи нави таълимӣ дар деҳаи Мадмбарои 700 хонанда дар ду баст пешбинӣ шудааст. Бинои мактаб аз ду ошёна иборат буда, дорои 16 синфхона, китобхона, таҳхона барои бойгонӣ, озмоишгоҳ, ҳуҷраи омӯзгорон, ҳуҷраи муҳосиб, анбору ҳуҷраи хоҷагӣ, посбонхона ва дигариншооти ёрирасон мебошад.
Корҳои сохтмонӣ бо истифода аз масолеҳи босифат ва мутобиқ ба талаботи меъёрҳои муосирисохтмонӣ амалӣ карда мешаванд. Фармоишгари иншоот Муассисаи таҳсилоти миёнаи умумии №20 буда, корҳои бунёдиро ҶДММ «Исмоилу Сомон» ба уҳда гирифтааст. Маблағгузорӣ аз ҷониби Мақомоти иҷроияи ҳокимияти давлатии ноҳия таъмин мегардад.
Бунёди чунин муассисаи калонҳаҷм имкон медиҳад, ки мушкили норасоии ҷойи нишаст барои хонандагон бартараф гардида, сатҳи фарогирии таҳсил дар деҳа ба марҳилаи нав бардошта шавад.
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
