Бахшида ба Рӯзи байналмилалии пешгирии экстремизми хушунатомез дар шаҳри Турсунзода ҳамоиш баргузор гардид
ТУРСУНЗОДА,11.02.2026 /АМИТ«Ховар»/. 10 феврал дар шаҳри Турсунзода бахшида ба Рӯзи байналмилалии пешгирии экстремизми хушунатомез (12 феврал) ҳамоиш баргузор гардид. Дар ин хусус ба хабарнигори минтақавии АМИТ«Ховар» аз Мақомоти иҷроияи ҳокимияти давлатии шаҳри Турсунзода иттилоъ доданд.
Дар ҳамоиш гуфта шуд, ки Тоҷикистон таҳти сарварии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҳамчун давлати ташаббускор дар масъалаҳои глобалии ҷомеаи ҷаҳонӣ дар самти пешгирии экстремизм ва терроризм мавқеи пешоҳангӣ касб намудааст. Дар мамлакат барои пешгирии ин зуҳуроти хатарнок тадбирҳои муассир андешида шуда, санадҳои меъёрии ҳуқуқӣ ва стратегияю барномаҳои давлатӣ қабул ва мавриди амал қарор доранд.
Иброз гардид, ки варзиш дар пешгирии экстремизм нақши муҳим дошта, ҷавононро аз муҳити хавфнок дур нигоҳ медорад. Он руҳияи ҳамкорӣ, эҳтироми қонун ва таҳаммулпазириро тарбия намуда, неруи ҷавононро ба рақобати солим ҳидоят менамояд. Варзиш тавассути ташаккули одатҳои солими зиндагӣ интизом ва масъулиятро баланд бардошта, бо ҳамин роҳ сабабу омилҳои ҷалбшавии ҷавонон ба гурӯҳҳои ифротиро коҳиш медиҳад.
Бояд гуфт, ки қатъномаи Созмони Милали Муттаҳид 12-уми февралро Рӯзи байналмилалии пешгирии экстремизми хушунатомез эълон намуда, ба кишварҳои аъзои ин созмон тавсия медиҳад, ки дар ин рӯз чорабиниҳои фаҳмондадиҳию таблиғотӣ ва фарҳангию варзишӣ баргузор намоянд.
Ёдовар мешавем, ки аз 10 то 12 феврали соли 2026 дар саросари мамлакат таҳти шиори «Мо, ҷавонон- зидди зӯроварӣ ва ифротгароӣ» мусобиқаҳои варзишӣ, ба мисли гӯштини миллӣ, волейбол, шоҳмоту шашка, футбол ва дигар намудҳои варзиш гузаронида мешаванд. Ин чорабиниҳо аз ҷониби Прокуратураи генералии Ҷумҳурии Тоҷикистон дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ташкил карда шуда, ба Рӯзи байналмилалии пешгирии экстремизми хушунатомез бахшида шудаанд.
Дар чорабиниҳои варзишӣ наврасону ҷавонон, хонандагони муассисаҳои таҳсилоти умумӣ, мактабҳои варзишӣ ва донишҷӯёни коллеҷу донишкадаҳои ҷумҳурӣ иштирок доранд. Ба ғолибони мусобиқаҳо Диплом ва туҳфаҳо супорида мешаванд.
АКС: Мақомоти иҷроияи ҳокимияти давлатии шаҳри Турсунзода
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
