Барои дарёфти «Ҷоми Вазири мудофиа» мусобиқаи тирпаронӣ баргузор шуд
ДУШАНБЕ, 17.02.2026 /АМИТ «Ховар»/. Бахшида ба 33-солагии таъсиси Қувваҳои Мусаллаҳи Ҷумҳурии Тоҷикистон барои дарёфти «Ҷоми Вазири мудофиа» байни хизматчиёни ҳарбӣ ва муассисаҳои олии мамлакат мусобиқаи тирпаронӣ баргузор гардид. Дар ин хусус ба АМИТ «Ховар» аз Вазорати мудофиаи Ҷумҳурии Тоҷикистон хабар доданд.
Ҳадафи мусобиқа муайян намудани маҳорати тирпаронии хизматчиёни ҳарбии дастгоҳи марказии Вазорати мудофиа, Ситоди генералии Қувваҳои Мусаллаҳ, раёсатҳои навъҳои Қувваҳои Мусаллаҳ, Муассисаи давлатии «Мададгори мудофиа», Донишкадаи ҳарбӣ, Литсейи ҳарбӣ ва кафедраҳои ҳарбии назди муассисаҳои таҳсилоти олии касбии давлатӣ аз силоҳи оташфишони таппонча арзёбӣ гардид.
Иттилоъ дода шуд, ки дар мусобиқа аз муассисаҳои олии мамлакат дастаҳои кафедраҳои ҳарбии Донишгоҳи миллии Тоҷикистон, Донишгоҳи байналмилалии сайёҳӣ ва соҳибкории Тоҷикистон, Донишгоҳи аграрии Тоҷикистон ба номи Шириншоҳ Шоҳтемур, Донишгоҳи техникии Тоҷикистон ба номи Муҳаммад Осимӣ, Донишгоҳи давлатии тиббии Тоҷикистон ба номи Абӯалӣ ибни Сино ва Донишкадаи тарбияи ҷисмонии Тоҷикистон ба номи Саидмуъмин Раҳимов иштирок намуданд.
Иброз гардид, ки ин иқдом дар самти пешбурд ва ба роҳ мондани чорабиниҳои ҳарбӣ – варзишӣ ба таҳкими суботу амният ва дар маҷмуъ ба мустаҳкам намудани иқтидори мудофиавии мамлакат нигаронида шудааст.
Аз рӯи ҷамъбасти натиҷаҳои умумидаставӣ мақоми аввалро дастаи Донишкадаи ҳарбии Вазорати мудофиа, мақоми дуюмро дастаи кафедраи ҳарбии Донишгоҳи давлатии тиббии Тоҷикистон ба номи Абӯалӣ ибни Сино ва мақоми сеюмро дастаи раёсати Қӯшунҳои зудамали Қувваҳои Мусаллаҳи Тоҷикистон соҳиб гардиданд.
АКС: Вазорати мудофиаи Ҷумҳурии Тоҷикистон
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
