Дар Ҷамоати деҳоти Қаратоғ озмуни «Кадбонуи беҳтарин» баргузор шуд
ТУРСУНЗОДА, 27.02.2026 /АМИТ«Ховар»/. Дар Ҷамоати деҳоти Қаратоғи шаҳри Турсунзода бо мақсади эҳёи анъанаҳои миллӣ ва арҷгузорӣ ба ҳунару маҳорати занони тоҷик озмуни «Кадбонуи беҳтарин» баргузор гардид. Дар ин хусус ба хабарнигори минтақавии АМИТ«Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Турсунзода иттилоъ доданд.
Дар озмун занони деҳаҳои ҷамоат фаъолона иштирок намуда, маҳорати худро дар омода намудани таомҳои миллӣ, ороиши дастархон ва муаррифии ҳунарҳои мардумӣ ба намоиш гузоштанд. Ҳар иштирокчӣ бо эҷодкорӣ ва завқи баланд кӯшиш намуд, ки ба аъзои ҳакамон беҳтарин маҳсули дастранҷашро нишон диҳад.
Зимни натиҷагирии озмун мақоми аввалро кадбону аз деҳаи Қаратоғ Истадой Муҳаммадиева, ҷойи дуюмро Муҳаббат Меликова аз деҳаи Аҳорун ва мақоми сеюмро Парвина Сироҷиддинзода аз деҳаи Батош соҳиб гардиданд.
Мақсади асосии баргузории чунин озмунҳо аз баланд бардоштани фарҳанги хонаводагӣ, таҳкими арзишҳои миллӣ ва тақвияти мақоми зан дар ҷомеа иборат мебошад.
Дар анҷоми озмун ба фаъолон ва ғолибон Сипоснома, Диплом ва туҳфаҳои хотиравӣ супорида шуданд.
АКС: Мақомоти иҷроияи ҳокимияти давлатии шаҳри Турсунзода
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
