Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид

ДУШАНБЕ, 24.02.2026 /АМИТ «Ховар»/. Бахшида ба 33-солагии  таъсиси Қувваҳои Мусаллаҳи Ҷумҳурии Тоҷикистон дар Вилояти Мухтори Кӯҳистони Бадахшон мусобиқаи варзишӣ аз намуди футбол байни сохторҳои қудратӣ баргузор гардид. Зимни он Раёсати Вазорати корҳои дохилӣ дар  вилоят сазовори ҷойи якум гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии вилоят хабар доданд.

Дар бозии ниҳоӣ, ки дар Маҷмааи варзишии шаҳри Хоруғ баргузор гардид, дастаҳои Раёсати Вазорати корҳои дохилӣ дар Вилояти Мухтори Кӯҳистони Бадахшон ва Раёсати Кумитаи давлатии амнияти миллӣ дар вилоят барои дарёфти Ҷоми Раиси вилоят рақобат намуданд.

Дастаи Раёсати Вазорати корҳои дохилӣ дар Вилояти Мухтори Кӯҳистони Бадахшон, ки сазовори ҷойи якум гардид, бо медал, Диплом, Ҷоми Раиси вилоят ва мукофоти пулӣ қадрдонӣ карда шуд.

Дастаҳое, ки сазовори ҷойҳои дуюм ва сеюм гардиданд, низ соҳиби медал, Диплом ва мукофоти пулӣ шуданд.

Беҳтарин ҳамлагарону бозингарон ва дарвозабон низ ҳавасманд гардонида шуданд.

АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон