Дар Душанбе оид ба омӯзиши криосфера ва ҳифзи пиряхҳо ҳамоиш доир гардид
ДУШАНБЕ, 12.02.2026 /АМИТ «Ховар»/. 10 феврал дар шаҳри Душанбе оид ба татбиқи Нақшаи амалҳои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» дар солҳои 2025-2027 ва таҳияи «Барномаи давлатии омӯзиши криосфера ва ҳифзи пиряхҳои Ҷумҳурии Тоҷикистон барои солҳои 2026-2034» ҳамоиш доир гардид.
Тавре аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд, омӯзиши мунтазами қабати криосфераи Замин, ҳолати кунунии пиряхҳо, амалӣ намудани усулҳои сарфакоронаи истифодаи об, ҳифзи амнияти экологии аҳолӣ ва ба роҳ мондани ҳамкории байналмилалӣ дар самти омӯзиши пиряхҳо аҳамияти махсус дорад.
Директори Агентии обуҳавошиносӣ Абдулло Қурбонзода иброз намуд, ки Президенти Ҷумҳурии Тоҷикистон муҳтарам Эмомалӣ Раҳмон пиряхҳоро ҷузъи муҳими иқтисодиёт, иҷтимоиёт ва экологии Тоҷикистон ҳисобида, тавассути ташаббусҳо, татбиқи барномаҳои илмию байналмилалӣ ва ҷалби ҷомеаи ҷаҳонӣ барои ҳифзи онҳо тадбирҳои муассирро пеш мебаранд. Ин заминаи мусоид барои ҳалли масъалаҳои тағйирёбии иқлим арзёбӣ мегардад.
Дар ҳамоиш гуфта шуд, ки таъсири тағйирёбии иқлим ба тамоми бахшҳои иқтисодиёт ба мушоҳида мерасад. Дар ин самт ҳамгироӣ байни ниҳодҳои дахлдор ҳалли мушкилотро осон менамояд.
Иброз гардид, ки баргузории ин ҳамоиш имкон медиҳад, ки саъю кӯшиши вазорату идораҳои дахлдор, ошкор намудани норасоиҳои институтсионалӣ ва барномавӣ, инчунин муайян кардани самтҳои афзалиятноки фаъолияти минбаъда муттаҳид карда шаванд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
«ИЛМ–ФУРӮҒИ МАЪРИФАТ». 19 октябр даври чоруми озмуни ҷумҳуриявӣ оғоз мегардад
Забони тоҷикӣ дар фазои рақамӣ: аз пайкараи матнӣ то истилоҳоти ягона
Рӯзи дарҳои кушоди Академияи хурди илмҳои Тоҷикистон баргузор шуд
Масъалаҳои рушди ҳамкории илмӣ ва омӯзишу ҳифзи бозёфтҳо бо гурӯҳи бостоншиносони хориҷӣ баррасӣ гардиданд
Рушди инноватсионии кимиё ва технологияҳои кимиёвии муосир дар конфронси илмӣ баррасӣ гардид
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
Институти астрофизика бо таҷҳизоти муосири астрономӣ таъмин гардид
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Имрӯз дар Тоҷикистон тирамоҳи астрономӣ оғоз шуд
Озмоишгоҳи муборизаи интегратсионӣ бар зидди зараррасонҳои зироати кишоварзӣ ба истифода дода шуд
Байни Академияи миллии илмҳои Тоҷикистон ва Донишгоҳи Фирдавсии Машҳад Ёддошти тафоҳум ба имзо расид
