Дар ноҳияи Ёвон мусобиқаи гӯштини миллӣ (гӯштингирӣ) баргузор гардид
ДУШАНБЕ, 16.02.2026 /АМИТ «Ховар»/. 15 феврал дар деҳаи Парчаруди Ҷамоати деҳоти Обшорони ноҳияи Ёвон мусобиқаи гӯштини миллӣ (гӯштингирӣ) бо ҳузури беш аз 10 ҳазор мухлисон ва ҳаводорони варзиш дар сатҳи баланд баргузор гардид. Дар он паҳлавонони шинохтаи тоҷик Ғазалшоҳи Давлатшо, Абубакри Акобир, Набӣ Нуралӣ, Хурсандқул Куганов, Холмуҳаммад Холов, Ҷумахон Ёрматов, Музаммир Каримзода ва дигарон маҳорати баланд нишон дода, бар ҳарифонашон ғолиб омаданд.
Бояд гуфт, ки мусобиқаи мазкур бо ташаббуси Раиси вилояти Хатлон ва Мақомоти иҷроияи ҳокимияти давлатии ноҳияи Ёвон, инчунин соҳибкорони ноҳия дар сатҳи баланд баргузор гардид. Аз ҷониби ташкилкунандагони мусобиқа ба паҳлавонони ғолиб туҳфаҳои арзишманд, аз қабили Шоҳҷоиза, мошини сабукрав, маблағҳои пулӣ, қолин, кондитсионер, яхдон, буз, гӯсфанд, гов, асп, уштур ва дигар туҳфаҳо супорида шуданд.
Барои Шоҳҷоизаи мусобиқаи гӯштини миллӣ дар ноҳияи Ёвон ду паҳлавон- Ғазалшоҳи Давлатшо аз ноҳияи Ёвон ва Абубакри Акобир аз ноҳияи Балҷувон давоми як соат бо ҳам рақобат карданд, вале ғолиб муайян нашуд.
Дар мусобиқаи гӯштини миллӣ дар ноҳияи Ёвон ҳунару маҳорати паҳлавонони тоҷик Набӣ Нуралӣ аз ноҳияи Шамсиддини Шоҳин ва Хурсандқул Куганов аз ноҳияи Ёвон назар ба дигар паҳлавонон беҳтар буд. Онҳо бар се-чор ҳарифашон ғолиб омада, сазовори ҷоизаҳои олӣ гардиданд.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
