Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
ДУШАНБЕ, 11.02.2026 /АМИТ «Ховар»/. Интизор меравад, ки дар оянда дар маҳали Донишкадаи инноватсионии Душанбе Кампус- шаҳраки донишҷӯён, иборат аз биноҳои муосири намунавӣ сохта мешавад, ки дорои тамоми инфрасохтори зарурӣ хоҳад буд.
Тавре зимни нишасти матбуотӣ дар Донишкадаи инноватсионии Душанбе ба хабарнигорон иттилоъ дода шуд, Донишкадаи инноватсионии Душанбе муассисаи таҳсилоти олии касбӣ буда, бо мақсади рушди таҳсилоти замонавӣ ва татбиқи усулҳои инноватсионӣ таъсис дода шудааст. Мақсад ва вазифаҳои асосии донишкада аз таъмини шароити мусоид барои омӯзиши донишҷӯён дар асоси технологияҳои пешрафтаи таълим ва омодасозии кадрҳои баландихтисос барои бозори меҳнати дохилӣ ва хориҷӣ иборат мебошад. Донишкадаи инноватсионии Душанбе дар оянда метавонад ба пешбурди иқтисодиёти кишвар ва рушди илмҳои муосир дар Тоҷикистон мусоидат намояд. Донишкада дар самти таълиму тарбияи насли ҷавон бо малакаҳои эҷодӣ ва инноватсионӣ нақши муҳим мебозад.
Гуфта шуд, ки хусусияти фарқкунандаи донишкадаи навтаъсис дар он ифода меёбад, ки он аввалин мактаби олии дар Тоҷикистон фаъолшуда аст, ки дар он таҳсил пурра ба забони англисӣ ба роҳ монда шудааст. Ҳамзамон ба он омӯзгорони соҳибназару пуртаҷриба аз хориҷи мамлакат ҷалб гардидаанд.
Таъкид гардид, ки дар Донишкадаи инноватсионии Душанбе барои тайёр намудани мутахассисони баландихтисоси соҳаҳои гуногун бинои нави таълимӣ, ҳайати омӯзгорону профессорон, лабораторияҳои муосиру муҷаҳҳаз, китобхона, ошхона ва дигар шароити муосир муҳайё гардидааст, ки намояндагони воситаҳои ахбори омма бо фаъолияташон шинос шуданд.
Гуфта шуд, ки ҳоло дар Донишкадаи инноватсионии Душанбе 58 нафар донишҷӯён ба таҳсил фаро гирифта шудаанд. Дар оянда роҳбарияти Донишкада тамсим гирифтааст, ки дар соли таҳсили 2026-2027 теъдоди донишҷӯёнро ба 200 нафар расонад.
Ҳамзамон гуфта шуд, ки соли 2025 дар Донишкадаи инноватсионии Душанбе Дафтари миллии ERASMUS MUNDUS кушода шуд.
Бояд тазаккур дод, ки Донишкадаи инноватсионии Душанбе ҳамчун муассисаи нави таҳсилоти олӣ соли 2024 таъсис ёфта, самти фаъолияташ ба рушди инноватсия ва таҳқиқот дар Тоҷикистон нигаронида шудааст.
Марзия САИДЗОДА,
АМИТ «Ховар»
АКС: АМИТ «Ховар»
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
