Дар шаҳри Ҳисор минтақаи саноатӣ таъсис дода мешавад
ДУШАНБЕ, 05.02.2026 /АМИТ «Ховар»/. Интизор меравад, ки дар оянда дар доираи Панҷсолаи рушди саноат (2022-2026) ва аз мамлакати аграрӣ ба давлатӣ индустриалӣ-аграрӣ табдил додани Тоҷикистон бо назардошти имконияту иқтидори мавҷуда дар Ҷамоати Ҳисори шаҳри Ҳисор минтақаи саноатӣ таъсис дода шавад.
Дар нишасти матбуотӣ дар посух ба саволи хабарнигори АМИТ «Ховар» дар робита ба рушди соҳаи саноат дар соли 2025 иброз гардид, ки «ҳоло дар шаҳри Ҳисор 120 корхонаи саноатӣ фаъолият дорад. Соли 2025 8 корхонаю коргоҳи нави саноатӣ ба фаъолият шуруъ намуд, ки дар натиҷа қариб 60 ҷойи нави кор таъсис дода шуд.
Самти корхонаҳои саноатии ба фаъолият шуруънамуда асосан ба истихроҷу коркарди қуму шағал, истеҳсоли хишт, коркарди маҳсулоти кишоварзӣ ва парандапарварӣ нигаронида шудааст. Соли 2025 дар шаҳри Ҳисор дар ҳаҷми беш аз 362 миллион сомонӣ маҳсулоти саноатӣ истеҳсол гардид, ки нисбат ба соли 2024 18,5 миллион сомонӣ ё 105,4 фоиз зиёд мебошад. Аз ҷумла, соли 2025 ҳаҷми истеҳсоли нахи пахта дар шаҳр 1763,4 тонна ё 3,1 баробар, равғани растанӣ 741,3 тонна ё 5 баробар, гӯшт 441 тонна ё 108,9 фоиз, маҳсулоти ширӣ 308,8 тонна ё 94,1 фоиз, сангу шағал 71,7 ҳазор метри мукааб ё 135,8 фоиз ва чигит 807,9 тонна ё 3,1 баробар иҷро гардид.
Бояд тазаккур дод, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ 21 декабри соли 2021 ба рушди соҳаи саноат аҳамияти махсус зоҳир намуда, таъкид доштанд, ки «бинобар аҳамияти бузурги соҳаи саноат дар рушди минбаъдаи мамлакат, ҳалли масъалаҳои иҷтимоию иқтисодӣ ва таъмини иҷрои ҳадафҳои стратегии миллӣ, аз ҷумла раванди саноатикунонии босуръати мамлакат пешниҳод менамоям, ки солҳои 2022-2026, яъне то ҷашни 35-солагии Истиқлолияти давлатии Ҷумҳурии Тоҷикистон Солҳои рушди саноат эълон карда шаванд».
Ин аст, ки давоми қариб панҷ сол дар мамлакат садҳо корхонаю коргоҳи нави саноатӣ таъсис дода шуд. Ин дар самти татбиқи яке аз чор ҳадафи стратегии Ҳукумати Ҷумҳурии Тоҷикистон- саноатикунонии босуръати ҷумҳурӣ ва аз давлати кишоварзӣ ба индустриалӣ табдил додани Тоҷикистон нақши муассир мегузорад.
Марзия САИДЗОДА,
АМИТ «Ховар»
АКС: АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Одил Дониш хостори тақвияти ҳамкорӣ бо Тоҷикистон гардидааст
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Шаҳристон барои бунёди 2 корхона санги асос гузоштанд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
Дар вилояти Суғд Парки саноатии металлургияи ранга таъсис дода мешавад
