ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
ДУШАНБЕ, 13.02.2026 /АМИТ «Ховар»/. 12 феврал дар шаҳри Бохтар маросими ҷоизасупорӣ ба дастаҳои асосӣ ва ҷавонони «Вахш»-и Бохтар баргузор гардид, ки дар чемпионати Тоҷикистон медалҳои нуқра ва биринҷӣ ба даст оварданд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар маросим ноиби президенти Федератсияи футболи Тоҷикистон Сайвалӣ Дониёрзода, муовини раиси вилояти Хатлон Абдулло Раҳмонзода ва директори генералии Лигаи футболи Тоҷикистон Субҳон Шодиев иштирок карданд.
Дастаи «Вахш» дар Лигаи олии Тоҷикистон-2025 бо 45 имтиёз ҷойи дуюмро ишғол кард. Даста дар 22 бозии мавсим 12 пирӯзӣ ба даст оварда, нуҳ мусовӣ ва як бохт ба қайд гирифт. Таносуби тӯбҳо 33-18 буда, баромади устувор ва боэътимоди дастаро дар мавсим тасдиқ кард.
Дастаи ҷавонони «Вахш» низ дар мавсими соли 2025 бозии шоиста нишон дод. Тими ҷавонони шаҳри Бохтар бо 43 имтиёз дар чемпионати Тоҷикистон-2025 байни дастаҳои ҷавонони Лигаи олӣ мақоми сеюмро касб намуд.
АКС: Федератсияи футболи Тоҷикистон
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
