НИШАСТИ МАТБУОТӢ. Донишҷӯёни Донишкадаи тарбияи ҷисмонӣ аз мусобиқаҳои ҷумҳуриявию байналмилалӣ 446 медал ба даст оварданд
ДУШАНБЕ, 02.02.2026 /АМИТ «Ховар»/. Соли 2025 донишҷӯёни Донишкадаи тарбияи ҷисмонии Тоҷикистон ба номи Саидмуъмин Раҳимов дар 135 мусобиқаи варзишии гуногун, донишкадавӣ, шаҳрӣ, минтақавӣ, ҷумҳуриявӣ ва байналмилалӣ иштирок намуда, 446 медал ба даст оварданд. Чунин иттилоъ дод ректори донишкада Амир Иброҳимзода имрӯз зимни нишасти матбуотӣ ба хабарнигорон.
Ба иттилои манбаъ, ин шумораро 203 медали тилло, 124 медали нуқра ва 119 медали биринҷӣ ташкил медиҳанд.
Ректори донишкада иброз дошт, ки аз донишҷӯён аз мусобиқаҳои ҷумҳуриявӣ 135 медал ва аз мусобиқаҳои байналмилалӣ 65 медал ба даст овардаанд, ки тавассути он мавқеи муассиса дар арсаи варзиши миллӣ ва байналмилалӣ тақвият меёбад.
«Таҳлилҳо нишон медиҳанд, ки шумораи зиёди медалҳо маҳз ба мусобиқаҳои ҷумҳуриявӣ ва байналмилалӣ рост меояд. Ин аз сатҳи баланди омодагии варзишгарон ва кори самараноки ҳайати мураббиён дарак медиҳад»,- афзуд Амир Иброҳимзода.
Дар нишасти матбуотӣ ҳамзамон иброз гардид, ки соли 2025 аз ҷониби бахши тарбияи ҷисмонӣ ва варзиши донишкада 140 чорабинии оммавӣ-варзишӣ ва солимгардонии сатҳи ҷумҳуриявию донишкадавӣ ба нақша гирифта шуда буд. Ҳамаи онҳо 100 фоиз иҷро гардиданд, ки ин аз фаъолияти мунтазам, сатҳи баланди ташкили кор ва таваҷҷуҳи ҷиддӣ ба таҳкими саломатӣ ва тарғиби тарзи ҳаёти солим шаҳодат медиҳад.
Зарангези ЛАТИФ,
АМИТ «Ховар»
АКС: АМИТ «Ховар»
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
