«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Тоҷикистон иқдоми тақдими китоб идома дорад
ДУШАНБЕ, 17.02.2025. /АМИТ «Ховар»/. Бахшида ба 33-солагии таъсиси Рӯзи Қувваҳои Мусаллаҳи Ҷумҳурии Тоҷикистон бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҷумҳурӣ иқдоми ватанпарваронаи «Китоб барои муҳофизони Ватан» идома дорад.
Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд, ин иқдом бо мақсади таҳкими ҳисси ватандӯстӣ, баланд бардоштани маърифати ҳарбӣ ва бедор намудани завқи китобхонӣ байни сарбозон ба роҳ монда шуд.
Иттилоъ дода шуд, ки дар доираи ин иқдом соли 2024 14 ҳазор китоб ва соли 2025 17 ҳазор китоб ҷамъоварӣ гардида, ба қисмҳои ҳарбии мамлакат тақдим карда шуд.
Иштирокчиёни иқдом метавонанд китоби дӯстдоштаашонро бо таманниёти нек ҳамчун туҳфа ба сарбозон ба бахшҳои кор бо ҷавонони шаҳру ноҳияҳое, ки дар онҷо истиқомат доранд, супоранд. Инчунин акс ё видеои онро дар саҳифаҳои иҷтимоии худ гузоранд.
Китобҳои ҷамъоваришуда аз ҷониби мақомоти иҷроияи ҳокимияти давлатии вилоятҳо ва шаҳру ноҳияҳо дар китобхонаҳои вилоятӣ, шаҳрӣ ва ноҳиявӣ, инчунин дар шаҳри Душанбе дар Китобхонаи миллии Тоҷикистон қабул гардида, минбаъд тибқи дархости сохторҳои қудратӣ, ки қисмҳои низомӣ дар тобеияти онҳо қарор доранд, ба сарбозон дастрас ва тақдим карда мешаванд.
Дар саҳифаҳои таърих қаҳрамонон ҳамеша аз зумраи сарбозони Ватан буданд, ки бо диловарӣ ва садоқати худ Ватанро ҳифз кардаанд. Иштирокчиёни ин ташаббус метавонанд дар арафаи Рӯзи Артиши миллӣ бо тақдими як китоб садоқати худро ба муҳофизони Ватан баён намоянд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
