Намояндагони Тоҷикистон дар намоишгоҳи байналмилалии ихтироъкорӣ дар Давлати Кувайт иштирок доранд
ДУШАНБЕ, 09.02.2026 /АМИТ «Ховар»/. 8 феврал дар Давлати Кувайт маросими ифтитоҳи расмии «16-умин намоишгоҳи байналмилалии ихтироъкорӣ дар Ховари Миёна» баргузор гардид. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Давлати Кувайт хабар медиҳад.
Дар маросими ифтитоҳӣ вазири маорифи Давлати Кувайт доктор Ҷалол Ат-Табтабаӣ, дуайени корпуси дипломатӣ, Сафири Фавқулода ва Мухтори Ҷумҳурии Тоҷикистон дар Давлати Кувайт Зубайдулло Зубайдзода, роҳбарон ва аъзои корпуси дипломатии муқими кишвар, намояндагони марказҳои илмӣ-таҳқиқотии Давлати Кувайт, ҳамчунин намояндагони воситаҳои ахбори омма иштирок намуданд. Зимни баргузории чорабинӣ Вазири маорифи Давлати Кувайт доктор Ҷалол Ат-Табтабаӣ аз гӯшаҳои намоишии Ҷумҳурии Тоҷикистон боздид ба амал оварда, бо дастовардҳои илмӣ, таҳқиқотӣ ва корҳои ихтироъкоронаи олимон ва муҳаққиқони тоҷик аз наздик шинос шуд.
Намоишгоҳи мазкур, ки аз муҳимтарин рӯйдодҳои илмӣ дар минтақа маҳсуб мешавад, бо ҳузури намояндагони зиёда аз 40 кишвари ҷаҳон доир гардида, дар доираи он ҳашт нафар олимон, профессорон ва ихтироъкорон аз донишгоҳҳо ва муассисаҳои таҳсилоти олии Ҷумҳурии Тоҷикистон дастовардҳои илмӣ ва ихтирооташонро ба маърази тамошо гузоштанд.
Фаъолияти намоишгоҳ то 12 феврали соли 2026 идома ёфта, тибқи барномаи пешбинишуда дар фарҷом ба иштирокчиёни барҷаста ҷоизаҳо ва ифтихорномаҳо супорида мешаванд.
АКС: Сафорати Ҷумҳурии Тоҷикистон дар Давлати Кувайт
Намояндаи Тоҷикистон дар ҳамоиши Созмони ҳамкории исломӣ иштирок намуд
Сафири Тоҷикистон бо роҳбарияти «Caspian Energy Club» мулоқот намуд
Ҳамкории Тоҷикистон бо Созмони ҳамкории исломӣ баррасӣ гардид
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
Сафири Тоҷикистон бо Вазири давлатӣ дар умури шаҳрдорӣ ва вазири давлатӣ дар умури маскани Кувайт мулоқот намуд
Дурнамои рушди ҳамкории Тоҷикистону Амрико баррасӣ шуд
Ҳамкории Тоҷикистон ва Кувайт оид ба бахши сармоягузорӣ ва сайёҳӣ баррасӣ гардид
Сафири Тоҷикистон дар Австрия дар Симпозиуми байналмилалии об иштирок намуд
Дар Туркманистон нишасти вазирони корҳои хориҷии кишварҳои Осиёи Марказӣ ва Озарбойҷон баргузор гардид
Ашрафҷон Гулов бо Сафири навтаъйини Амороти Муттаҳидаи Араб дар Ҷумҳурии Тоҷикистон Носир Ҳувайдин Зайбон Алӣ Ал-Катбӣ мулоқот намуд
Сироҷиддин Муҳриддин дар ҷаласаи навбатии Шурои вазирони корҳои хориҷии Иттиҳоди Давлатҳои Мустақил иштирок намуд
Сафири Тоҷикистон бо фаъолияти рӯзномаи «The Times Kuwait» шинос шуд
