НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
ДУШАНБЕ, 03.02.2026 /АМИТ «Ховар»/. Соли 2025 нахустин маротиба дар таърихи донишгоҳ ду Шурои диссертатсионӣ аз рӯи самтҳои биология ва филология барои ҳимояи рисолаҳои илмӣ дар назди донишгоҳ таъсис дода шуд, ки дастоварди муҳимтарин маҳсуб мешавад. Дар ин хусус ректори Донишгоҳи давлатии Хоруғ ба номи Моёншо Назаршоев Амид Комилбек зимни нишасти матбуотии ин ниҳод хабар дод.
Дар нишаст иттилоъ дода шуд, ки дар ин давра 8 омузгори донишгоҳ рисолаи номзадӣ ҳимоя намуда, соҳиби дараҷаи илмӣ гардид. Маҷаллаи илмии донишгоҳ «Паёми Донишгоҳи давлатии Хоруғ» аз рӯи равияи илмҳои гуманитарӣ ба рӯйхати маҷаллаҳои тақризшавандаи Комиссияи олии аттестатсионии назди Президенти Ҷумҳурии Тоҷикистон ворид гардид.
«Барои таъмини хатмкунандагон бо ҷойи кор аз рӯи равияҳои омузгорӣ 9 нафар ба Ҷамоати деҳоти Пушинги ноҳияи Данғара, 14 нафар ба ноҳияи Рашт ва 8 нафар ба муассисаҳои томактабии ҷамоати Язгуломи ноҳияи Ванҷ равон карда шуданд»,-иброз намуд Амид Комилбек.
Зимни нишасти матбуотӣ гуфта шуд, ки соли 2025 донишгоҳ ҳамчунин аз аттестатсияи давлатӣ, ки аз ҷониби Агентии назорат дар соҳаи маориф ва илми назди Президенти Ҷумҳурии Тоҷикистон гузаронида шуд, муваффақона гузашта, соҳиби иҷозатномаи нав гардид.
АКС: Донишгоҳи давлатии Хоруғ ба номи Моёншо Назаршоев
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
