НИШАСТИ МАТБУОТӢ. Нақшаи чорабиниҳои 35-солагии Истиқлоли давлатӣ дар ноҳияи Фирдавсӣ 77 фоиз иҷро шуд
ДУШАНБЕ, 03.02.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар ҳудуди ноҳияи Фирдавсии шаҳри Душанбе сохтмони 109 бинои баландошёна, 9 бинои муассисаи таҳсилоти миёнаи умумӣ барои 8840 ҷойи нишаст, сохтмони 10 муассисаи томактабӣ барои 2020 кӯдак, бунёду навсозии 23 корхонаи саноатӣ ва бунёди 5 гулгашт дар назар аст. Дар ин хусус Раиси ноҳияи Фирдавсии пойтахт Дилшод Сафарзода имрӯз зимни нишасти матбуотӣ ба хабарнигорон иттилоъ дод.
«Дар давраи ҳисоботӣ 909 чорабинӣ иҷро гардида, 77 фоизи нақшаи панҷсола таъмин карда шуд. Ҳамзамон аз 253 чорабинии нақшавии соли 2025 ба ҳолати 31 декабри соли 2025 238 чорабинӣ амалӣ гардида, иҷрои нақшаи солона 94 фоизро ташкил медиҳад», -афзуд Дилшод Сафарзода.
Ба иттилои раиси ноҳия, дар доираи корҳои ободонию созандагӣ ба ҳолати 31 декабри соли 2025 дар 22 маҳаллаи ноҳия бо ташаббуси вакилон, соҳибкорон, шахсони саховатпеша ва сокинони маҳаллаҳо 15 километру 919 метр роҳҳои дохили маҳаллаҳо бо асфалти гарм мумфарш карда шуд.
Инчунин дар 31 маҳаллаи ҳудуди ноҳия бо ҷалби сокинон ва ба тариқи ҳашар 27 километру 766 метр роҳу кӯчаҳо бетонпӯш карда шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Бонки миллӣ ба ифтихори 35-солагии Истиқлоли давлатии Тоҷикистон тангаҳои хотиравиро ба муомилот баровард
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Сарвари давлат Эмомалӣ Раҳмон дар шаҳри Душанбе Маркази хизматрасонии «Аҳмадҷон»-ро мавриди истифода қарор доданд
Имсол кӯчаи Абдулаҳад Қаҳҳоров мавриди истифода қарор дода мешавад
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
«ДУШАНБЕ — ШАҲРИ САБЗ». Дар пойтахт боғи нави фарҳангӣ-фароғатӣ бунёд карда мешавад
