НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
ДУШАНБЕ, 12.02.2026 /АМИТ «Ховар»/. Соли 2025 аз ҷониби мақомоти Сабти асноди ҳолати шаҳрвандӣ 502 ҳазору 366 сабт ба қайд гирифта шуд, ки нисбат ба ҳамин давраи соли 2024 12 ҳазору 470 ҳолат ё 3% зиёд мебошад. Ҳамзамон 8 ҳазору 535 ҳолати бекоршавии никоҳ ба қайд гирифта шудааст, ки нисбат ба 567 ҳолат кам мебошад. Дар ин хусус 12 феврал зимни нишасти матбуотии Вазорати адлияи Ҷумҳурии Тоҷикистон ба хабарнигорон иттилоъ дод.
Вазири адлияи Ҷумҳурии Тоҷикистон Музаффар Ашуриён иброз дошт, ки коҳиш ёфтани ҳолатҳои бекоршавии ақди никоҳ нишонаи беҳтар гардидани маърифати ҳуқуқии шаҳрвандон ва самаранокии тадбирҳои пешгирикунанда мебошад.
«Мо тамоми чораҳоро меандешем, ки маърифати ҳуқуқӣ ва шуурнокии аҳолӣ баланд бардошта шавад. Аз ҷумла, дар самти барпо намудани оила мақомоти Сабти асноди ҳолати шаҳрвандии сайёр фаъолият дорад, ки мутахассисони вазорат ба ноҳияҳои дурдаст сафар намуда, дар маҳалҳо ақди никоҳро ба қайд мегиранд ва ҳамзамон корҳои тарғиботию ташвиқотӣ ба роҳ мемонанд. Дар масъалаҳои ҳуқуқу уҳдадориҳои ҳамсарон ва тарбияи фарзандон низ корҳои фаҳмондадиҳӣ анҷом дода мешаванд», — иброз дошт вазир.
Вобаста ба рақамикунонии соҳа вазири адлия гуфт, ки акнун шаҳрвандони Ҷумҳурии Тоҷикистон метавонанд тасдиқи аслияти маълумотномаи вазъи оилавиро ба таври электронӣ ва бо истифода аз QR-рамз дастрас намоянд.
Мувофиқи тартиби нав, шаҳрвандон баъди гирифтани маълумотномаи вазъи оилавӣ аз бахшҳои сабти асноди ҳолати шаҳрвандии шаҳру ноҳияҳо метавонанд барои тасдиқи аслияти он ба сомонаи расмии Вазорати адлия ворид шуда, дар равзанаи «Маълумотнома — тасдиқи аслияти маълумотномаи вазъи оилавӣ» маълумоти заруриро пур намоянд. Ариза тавассути ин сомона ба таври электронӣ ба вазорат ирсол мегардад.
Моҳинави НАВРӮЗ,
АМИТ «Ховар»
АКС: АМИТ «Ховар»
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
