НИШАСТИ МАТБУОТӢ. Соли 2025 дар Тоҷикобод 5 коргоҳи истеҳсолӣ ба истифода дода шуд
ТОҶИКОБОД, 02.02.2026. /АМИТ «Ховар»/. Соли 2025 дар ноҳияи Тоҷикобод ҳаҷми истеҳсоли маҳсулоти кишоварзӣ 329 миллиону 206 ҳазор сомониро ташкил дод, ки нисбат ба соли 2024 18 миллиону 607 ҳазор сомонӣ зиёд мебошад. Кишоварзони ноҳия дар асоси дастуру супоришҳои Президенти Тоҷикистон муҳтарам Эмомалӣ Раҳмон ба хотири таъмини амнияти озуқаворӣ соли 2025 3228 тонна маҳсулоти ғалладонагӣ, 29 884 тонна картошка, 6761 тонна сабзавот, 7877 тонна мева, 2329 тонна гӯшт ва 124 тонна асал истеҳсол намуда, бозорҳои мамлакатро бо маҳсулоти кишоварзӣ таъмин намуданд. Дар ин хусус Раиси ноҳияи Тоҷикобод Қадриддин Фақерзода зимни нишасти матбуотӣ ба хабарнигорон иттилоъ дод.
Зимни нишасти матбуотӣ гуфта шуд, ки соли 2025 дар ноҳияи Тоҷикобод 5 коргоҳи истеҳсолӣ ба истифода дода шуд, ки дар он 21 нафар сокинон бо ҷойи кор таъмин шуданд. Шумораи умумии коргоҳҳои истеҳсолӣ дар ноҳия зиёда аз 26 адад мебошад, ки қисми зиёди онҳо ба таври мавсимӣ фаъолият менамоянд. Ҳамчунин дар ноҳия ҳаҷми истеҳсоли маҳсулоти саноатӣ дар соли 2025 ба 13 миллиону 349 ҳазор сомонӣ расонида шуд, ки нисбат ба соли 2024 ду миллиону 603 ҳазор сомонӣ зиёд мебошад.
Иброз гардид, ки ба ифтихори ҷашни таърихии 35-солагии Истиқлоли давлатӣ дар ноҳияи Тоҷикобод бунёду барқарорсозии 101 иншоот ба нақша гирифта шудааст. То имрӯз 84 иншоот ба истифода дода шуда, сохтмони иншооти боқимонда идома дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
Сарвари давлат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб барои бунёди корхонаи дигари истеҳсоли семент асос гузоштанд
Пешвои миллат Эмомалӣ Раҳмон ва Раиси шаҳри Душанбе Рустами Эмомалӣ дар ноҳияи Варзоб ба корҳои сохтмон дар корхонаи истеҳсоли семент оғоз бахшиданд
Дар Душанбе вохӯрии якуми Шурои кории Тоҷикистону Қирғизистон баргузор гардид
Сарвари давлат Эмомалӣ Раҳмон дар ноҳияи Ховалинг ба фаъолияти коргоҳи истеҳсоли маҳсулоти ширии Асри ваҳдат оғоз бахшиданд
Корхонаи ғанигардонии мису қалъагӣ аз нав ба кор оғоз менамояд
Шералӣ Кабир иқтидори саноатии Тоҷикистонро дар Муколамаи «C5+1» дар Остона муаррифӣ намуд
Моҳи сентябр Форуми байналмилалии нассоҷии Тоҷикистон-2026 баргузор мегардад
Нахустин Форум ва намоишгоҳи байналмилалии саноати хӯрокворӣ — Тоҷикистон-2026 баргузор мегардад
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Масъалаи таъсиси парки муштараки саноатии Тоҷикистону Эрон баррасӣ карда шуд
Ҳайати Тоҷикистон дар иҷлосияи вазирони саноати давлатҳои аъзои СҲШ иштирок намуд
