Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
ДУШАНБЕ, 16.02.2026 /АМИТ «Ховар»/. Вазорати мудофиаи Ҷумҳурии Тоҷикистон аз масъулони мақомоти иҷроияи ҳокимияти давлатии шаҳру ноҳияҳо, вазорату идораҳо, кумитаҳо, ташкилоту муассисаҳо ва дигар корбарони сомонаҳои расмӣ ва шабакаҳои иҷтимоӣ даъват менамояд, ки ҳангоми таҳияи аксҳо ва шиорҳои таблиғотии дорои хусусияти низомӣ бо истифода аз барномаҳои «зеҳни сунъӣ» талаботи оинномаҳои Қувваҳои Мусаллаҳи Ҷумҳурии Тоҷикиснро қатъиян риоя намоянд.
Тавре ба АМИТ «Ховар» аз Вазорати мудофиаи Тоҷикистон хабар доданд, вақтҳои охир дар шабакаҳои интернетӣ, аз ҷумла дар сомонаи иҷтимоии «Facebook» аксҳои сарбозону афсарони қисму воҳидҳои ҷузъу томи Қувваҳои Мусаллаҳи Ҷумҳурии Тоҷикистон дар шаклҳои гуногуни ғайриоинномавӣ таҳия ва паҳн мегарданд, ки ба талаботи муқарраргардидаи оинномаҳои ҳарбӣ мутобиқат намекунанд.
Таъкид гардид, ки либоси хизматчиёни ҳарбӣ вобаста ба сохтор ва навъи қӯшунҳо ба таври мушаххас муайян гардида, дар он рамзҳои давлатӣ — Парчам, Нишон ва дигар аломатҳои фарқкунанда ҷой дода мешаванд. Риояи ин талабот нишонаи эҳтиром ба муқаддасоти миллӣ, ҳисси баланди ватандӯстӣ ва ҳифзи шаъну шарафи хизматчии ҳарбӣ мебошад. Ҳамзамон ин рамзҳо дар арсаи байналмилалӣ муаррифи Қувваҳои Мусаллаҳи мамлакат ба шумор мераванд.
Аз ин рӯ аз масъулин талаб карда мешавад, ки таҳияи чунин маводи таблиғотӣ дар мувофиқа бо сохторҳои дахлдор ва бо риояи пурраи талаботи қонунгузорӣ ва оинномаҳои ҳарбӣ амалӣ карда шавад.
АКС: Вазорати мудофиаи Ҷумҳурии Тоҷикистон
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
