Бахшида ба ҷашни Наврӯз дар мақомоти Ваколатдор оид ба ҳуқуқи инсон ҳамоиши идона доир шуд
ДУШАНБЕ, 27.03.2026 /АМИТ «Ховар»/. Имрӯз дар мақомоти Ваколатдор оид ба ҳуқуқи инсон дар Ҷумҳурии Тоҷикистон ба муносибати Ҷашни байналмилалии Наврӯз ҳамоиши идона баргузор гардид. Дар ин хусус ба АМИТ «Ховар» аз Ваколатдор оид ба ҳуқуқи инсон хабар доданд.
Иброз гардид, ки Наврӯз ҳамчун ҷашни бостонӣ ва мероси гаронбаҳои ниёгон рамзи эҳёи табиат, сулҳу ваҳдат, дӯстӣ ва ҳамдигарфаҳмӣ мебошад. Бо шарофати сиёсати фарҳангпарваронаи роҳбарияти давлат Наврӯз мақоми байналмилалӣ касб намуда, имрӯз дар сатҳи ҷаҳонӣ ҳамчун ҷашни умумибашарӣ эътироф гардидааст. Дар ин замина дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ аз 16 декабри соли 2025 ба аҳамияти таърихию фарҳангии Наврӯз таваҷҷуҳи хосса зоҳир гардида, масъалаи бунёди Маркази байналмилалии Наврӯзро дар шаҳри Душанбе ба миён гузошта шуд.
Таъкид карда шуд, ки бунёди Маркази байналмилалии Наврӯз дар шаҳри Душанбе барои муаррифии ҳарчи бештари суннату анъанаҳои миллӣ, рушди ҳамкориҳои фарҳангӣ ва таҳкими нуфузи Тоҷикистон дар арсаи байналмилалӣ мусоидат менамояд.
Баён гардид, ки Наврӯз ҳамчун ҷашни эҳёи табиат ва рамзи арзишҳои олии инсонӣ мардумро ба сулҳу субот, ваҳдат ва созандагӣ ҳидоят менамояд. Дар саросари мамлакат ба ифтихори Наврӯз баргузории чорабиниҳои гуногуни фарҳангиву фароғатӣ, намоишҳои ҳунарҳои мардумӣ ва расму оинҳои миллӣ ба ҳукми анъана даромада, барои баланд бардоштани ҳисси худшиносӣ ва ифтихори миллӣ заминаи мусоид фароҳам меорад.
АКС: Мақомоти Ваколатдор оид ба ҳуқуқи инсон дар Ҷумҳурии Тоҷикистон
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
Дар роҳи Душанбе–Чаноқ хатҳои уфуқӣ аз нав кашида мешаванд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар Донишгоҳи давлатии тиббии Тоҷикистон доир ба зеҳни сунъӣ ва тандурустии рақамӣ конференсия доир гардид
Дар Донишгоҳи давлатии Бохтар оид ба истифодаи усулҳои гармофизикӣ конференсияи байналмилалӣ баргузор гардид
САЛОМАТИИ ҶОМЕА — САРВАТИ МИЛЛАТ. Истифодаи никотин ба рушди майна ва қобилияти омӯзиш таъсири манфӣ расонад
Ҳайати Тоҷикистон дар ҷаласаи 76-уми Кумитаи минтақавии аврупоии Созмони ҷаҳонии тандурустӣ иштирок намуд
Форуми дувоздаҳуми миллӣ оид ба волоияти қонун дар Ҷумҳурии Тоҷикистон баргузор гардид
