Бахшида ба Рӯзи байналмилалии ҳифзи пиряхҳо конференсияи илмӣ-назариявӣ доир шуд
ДУШАНБЕ, 18.03.2026 /АМИТ «Ховар»/. 17 март дар Маркази омӯзиши пиряхҳои Академияи миллии илмҳои Тоҷикистон бахшида ба Рӯзи байналмилалии ҳифзи пиряхҳо ва Ҷашни байналмилалии Наврӯз конференсияи илмӣ–назариявӣ баргузор гардид. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Дар конференсия ба ташаббусҳои сатҳи байналмилалии Президенти Тоҷикистон муҳтарам Эмомалӣ Раҳмон дар самти ҳифзи пиряхҳо ва масъалаҳои глобалии обу иқлим, аҳамияти таърихию фарҳангии ҷашни Наврӯз, нақши он дар эҳёи табиат ва таҳкими арзишҳои миллӣ, таърихи ҷаҳонӣ гардидани ин ҷашни бостонӣ таваҷҷуҳи махсус зоҳир гардид.
Дар мавзуъҳои «Наврӯз – ҷашни эҳёи табиат» ва «Масъалаҳои экологӣ ва ҳолати имрӯзаи пиряхҳои ҳавзаи дарёи Зарафшон» кормандони марказ маърузаҳои илмӣ пешниҳод намуданд.
Иштирокдорон ба ташаббусҳои байналмилалии Президенти ҷумҳурӣ муҳтарам Эмомалӣ Раҳмон баҳои баланд доданд. Иброз гардид, ки ин иқдом мавқеи Тоҷикистонро дар арсаи ҷаҳонӣ таҳким бахшида, барои ҳалли масъалаҳои мубрами сайёра, аз ҷумла таъмини амнияти обӣ ва ҳифзи муҳити зист заминаи устувор фароҳам меоранд.
Дар чорабинӣ тибқи анъанаҳои неки наврӯзӣ байни ходимони илмӣ ва унвонҷӯён маҳфили байтбарак баргузор гардид.
АКС: Академияи миллии илмҳои Тоҷикистон
САҲМИ ПРЕЗИДЕНТИ ТОҶИКИСТОН ДАР ҲАЛЛИ МУШКИЛОТИ ҶАҲОНИИ ЭКОЛОГӢ: аз обу иқлим то зеҳни сунъӣ. Андешаҳо дар ин маврид
НАҚШИ ЗАНОН ДАР ТАҲКИМИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Таҳти ин унвон ҳамоиши илмӣ-назариявӣ доир гардид
35 СОЛИ СОҲИБИСТИҚЛОЛИИ ТОҶИКИСТОН. Рушди илмро дар ин давра метавон яке аз муҳимтарин дастовардҳои сиёсати давлатии Тоҷикистон арзёбӣ намуд
Китоби «Ташаббусҳои қонунгузории Президенти Ҷумҳурии Тоҷикистон Эмомалӣ Раҳмон — омили пойдории давлатдории миллӣ» ба нашр расид
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
ШУКУҲИ ИСТИҚЛОЛ. Бахшида ба 35-солагии Истиқлоли давлатӣ дар Академияи миллии илмҳо маҳфили адабӣ доир гардид
Дар мавзуи «Аҳамияти Ҷоизаи байналмилалии Ибни Сино дар шинохт ва муаррифии илми тоҷик» конференсияи ҷумҳуриявӣ доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик дар доираи ҷаҳони бисёрқутба ҳамоиш доир мешавад
26 магистранти Академияи миллии илмҳои Тоҷикистон соҳиби Дипломи аъло гардид
Олимони тоҷик дар водии Яғноб 40 навъи зироати гуногуни кишоварзӣ кишт намуданд
Дар ҳавзаи дарёи Панҷ корҳои экспедитсионӣ ва саҳроӣ гузаронида шуданд
Оид ба ҷойгоҳи Ховалинг дар таърих ва тамаддуни Осиёи Марказӣ конференсияи байналмилалӣ доир шуд
