Байни Тоҷикистон ва Узбекистон дар самти ҷавонон якчанд созишнома оид ба татбиқи лоиҳаҳои муштарак ба имзо расид
ДУШАНБЕ, 27.03.2026 /АМИТ «Ховар»/. 25–27 марти соли 2026 дар шаҳри Тошканд Форуми ташкилотҳои ҷавонони Тоҷикистон ва Узбекистон баргузор гардид. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Форуми мазкур дар доираи сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Ҷумҳурии Узбекистон баргузор гардида, ба таҳкими муносибатҳои дӯстона ва густариши ҳамкории ҷавонони ду кишвар заминаи мусоид фароҳам меорад.
Дар кори форум намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Иттифоқи ҷавонони Тоҷикистон, Ташкилоти ҷамъиятии «Пайравони Пешвои миллат», IT Park Душанбе, инчунин дигар ташкилоту ниҳодҳои ҷавонон ва намояндагони бахши инноватсионӣ фаъолона иштирок намуданд.
Дар доираи барнома ҷаласаҳои пленарӣ ва муҳокимаҳо вобаста ба ҳамкорӣ дар самтҳои технологияҳои рақамӣ, соҳибкорӣ ва фаъолияти иҷтимоӣ баргузор гардиданд.
Ҳамчунин, иштирокчиён лоиҳаҳои худро муаррифӣ намуда, мулоқотҳои дуҷониба ва бисёрҷониба анҷом доданд. Дар натиҷаи форум якчанд созишнома оид ба татбиқи лоиҳаҳои муштарак ба имзо расонида шуд.
Барномаи фарҳангӣ ва боздид аз марказҳои инноватсионӣ ба иштирокчиён имкон фароҳам овард, ки бо имкониятҳои инфрасохтори ҷавонон дар Ҷумҳурии Узбекистон аз наздик шинос гарданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
