Дар шаҳри Кӯлоб 28 мавзеи осебпазир муайян гардидааст
ДУШАНБЕ, 01.03.2026 /АМИТ «Ховар»/. Дар шаҳри Кӯлоб 28 мавзеи осебпазир дар соҳили дарёҳо ба қайд гирифта шудааст. Барои барқарор намудани соҳилҳо то оғози селу обхезӣ корҳои соҳилмустаҳкамкунӣ гузаронида мешаванд.
Тавре аз Мақомоти иҷроияи ҳокимияти давлатии шаҳри Кӯлоб ба АМИТ «Ховар» иттилоъ доданд, бо дастгирии Ҳукумати мамлакат ва Агентии беҳдошти замин ва обёрии назди Ҳукумати Ҷумҳурии Тоҷикистон масолеҳи сохтмонӣ барои корҳои соҳилбандӣ дастрас карда шуда, дар мавзеъҳои осебпазир бо ҷалби сокинон ва техникаҳои пуриқтидор корҳо идома доранд.
Идораи беҳдошти замин ва обёрии шаҳри Кӯлоб дар баробари мустаҳкам намудани соҳилҳо тоза кардани заҳбур ва заҳкашҳоро анҷом медиҳад.
Гуфта шуд, ки барои корҳои соҳилмустаҳкамкунӣ омода кардани тахтасангҳои оҳану бетонӣ ба роҳ монда шудааст. Ҳоло 2160 тахтасанг захира карда шуда, дар ҳолати зарурӣ ба мавзеъҳои осебпазир кашонида ва дар бунёди саддҳои муҳофизатӣ истифода мешаванд.
“Барномаи давлатии корҳои соҳилмустаҳкамкунӣ дар Ҷумҳурии Тоҷикистон барои солҳои 2023-2027” бо мақсади пешгирӣ намудани хавфи селу обхезиҳо ва шусташавии соҳилҳои дарёҳо таҳия гардидааст. Дар ҳолати иҷро шудани ҳадафҳои барнома имкон аст, ки заминҳои кишоварзӣ, роҳҳо, пулҳо ва иншооти дигари муҳими хоҷагии халқ аз таъсири селу обхезиҳо ҳифз гарданд.
Ҳамасола дар Тоҷикистон дар фаслҳои баҳору тобистон обшавии бошиддати барфу пиряхҳо ва бориши зиёд боиси обхезӣ, омадани ярч ва сел мегардад. Ин ба маҳалҳои аҳолинишин ва иншооти хоҷагии халқ зарари калон мерасонад.
АКС: АМИТ «Ховар»
Ваҳдати миллӣ меҳвари асосии худшиносӣ ва кафили соҳибихтиёрии давлат аст
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
Намояндагони воситаҳои ахбори омма бо натиҷаҳои татбиқи лоиҳаҳои Барномаи рушди СММ дар вилояти Суғд шинос мешаванд
Имрӯз дар водиҳои Тоҷикистон ҳаво то 39 дараҷа гарм мешавад
Хадамоти назорати давлатии бехатарии корҳо дар саноат ва соҳаи кӯҳкорӣ оид ба риояи талаботи бехатарии саноатӣ машварат доир намуд
Имрӯз дар шаҳри Душанбе ҳаво то 34 дараҷа гарм мешавад
Дар ноҳияҳои Панҷ, Фархор ва Ҳамадонӣ раванди корҳои соҳилмустаҳкамкунӣ пурзӯр карда мешаванд
Имрӯз дар водиҳои Тоҷикистон ҳаво то 37 дараҷа гарм мешавад
Дар Душанбе бо иштироки муовини Сарвазири Тоҷикистон оид ба пешгирии талафот ва истифодаи ғайриқонунии неруи барқ ҷаласа доир шуд
Имрӯз дар шаҳри Душанбе рӯзона ҳаво то 35 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
